بيىلعى جىلى نازارباەۆ زياتكەرلىك مەتكەپتەرىنىڭ جەلىلىك وليمپياداسى العاش رەت قاشىقتان ءوتىپ وتىر. ونلاين وليمپياداعا حيميا, بيولوگيا, ينفورماتيكا, فيزيكا, ماتەماتيكا, گەوگرافيا, تاريح, قۇقىق نەگىزدەرى پاندەرى بويىنشا قازاق, ورىس, اعىلشىن, فرانتسۋز, نەمىس تىلىنەن 700-دەن استام وقۋشى قاتىسىپ, بىلىمدەرىن ساراپقا سالدى. بۇل جەلىلىك وليمپيادا ء بىلىم دەڭگەيىن كورسەتۋگە عانا ەمەس, عىلىمنىڭ ءار سالاسىنداعى سوڭعى جاڭالىقتار مەن ترەندتەر جايىندا پىكىر الماسۋعا ارنالعان تابىستى الاڭ. ادىلقازىلار القاسىنىڭ قۇرامىندا ءار جىلدارى رەسپۋبليكالىق جانە حالىقارالىق وليمپيادالاردىڭ جەڭىمپازدارى, بۇگىندە جوعارى وقۋ ورىندارىنىڭ ۇزدىكتەرى بولىپ جۇرگەن ديار تۋلەنوۆ, دانيل مەلنيچەنكو, ءابىلمانسۇر مۇجۇباەۆ پەن NIS-ءتىڭ وزگە دە تۇلەكتەرى بار.
الماتى قالاسىنداعى فيزيكا-ماتەماتيكا باعىتىنداعى NIS ماتەماتيكتەرى – ارسەن نارىك, الديناش سەيتەنوۆ, تاير ساتۋبالدين, ينفورماتيكتەر – امير نۋريەۆ, ولجاس مۋساليموۆ, مۋحامماداريف ساحمولدين, مەدەت دجۋماديلداەۆ, فيزيكتەر – دامير الەنوۆ, ەرسۋلتان پىتەباي, سىرىمحان نۋريددين, فيلولوگتار – ەليكاي اتاباەۆا, اياۋلىم مۇقان, يسكاندەر ساگينبەك ءبىرىنشى ءى ورىنعا يە بولدى. ەلورداداعى فيزيكا-ماتەماتيكا باعىتىنداعى زياتكەرلىك مەكتەپتىڭ وقۋشىسى ەگور كوجين وليمپيادا جايىنداعى اسەرلەرىمەن ءبولىسىپ, كۇردەلى كەزەڭگە قاراماستان, وليمپياداشىلار ءوز بىلىمدەرىن كورسەتۋگە جانە جەتىستىككە قول جەتۋگە مۇمكىندىك الىپ وتىرعاندىعىن ايتادى.
ءوز اسەرلەرىمەن بولىسكەن قاتىسۋشىلار اعا بۋىننىڭ, اتا-اجەلەرى مەن اتا-انالارىنىڭ جاۋاپتى بايگە الدىندا بەرگەن باتالارى ايرىقشا تۇمارعا اينالعانىن اتاپ ءوتتى. تارازداعى NIS وقۋشىسى بەكبولات جانگەرەيدىڭ ايتۋىنشا, جاۋاپتى جارىس الدىندا ۇيدەگى ۇلكەندەردىڭ قولداۋى جىگەر مەن سەنىمدىلىك سىيلاپ قاناي قويماي, ۇلكەن جاۋاپكەرشىلىك جۇكتەيدى. ال قازاق, ورىس جانە اعىلشىن تىلدەرىن ەركىن مەڭگەرگەن نۇر-سۇلتانداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى كومانداسىنىڭ مۇشەسى ەۆگەني يۋگاي التى جاسىنان باستاپ قازاقشا سويلەي باستاعان. ەۆگەني ۇلى دالا تاريحى مەن مادەنيەتى تۋرالى كىتاپتاردى كوپ وقيدى. ءتىلدى جەتىك مەڭگەرۋ ءۇشىن كۇش پەن ۋاقىتىن ايامايتىن ەۆگەني بۇگىندە كورەي ءتىلىن ۇيرەنىپ ءجۇر.
ال تاراز قالاسىنداعى زياتكەرلىك مەكتەپتەن ارۋجان جاقسىلىق, ارۋجان دوسحودجاەۆا, ارۋجان نۇرمانوۆا اعىلشىن ءتىلى سەكتسياسىندا باس قوستى. ەسىمدەرىنەن بولەك ولاردىڭ قىزىعۋشىلىقتارى ورتاق. وعان وقۋشى قىزداردىڭ IELTS ەمتيحانىنان جوعارى ناتيجە كورسەتۋى دالەل بولادى. ارۋجان دوسحودجاەۆا مەن ارۋجان نۇرمانوۆا 7,0 باللدان جيناسا, ارۋجان جاقسىلىق اتالعان ءپان بويىنشا زەرتتەۋ جۇمىستارىمەن اينالىسۋعا دەن قويعان. «ۆولەيبول ويىنىندا «جەڭىسكە جەتۋ الگوريتمىنىڭ» ماتەماتيكالىق ەسەپتەۋلەرى» ەرەكشە جوباسى ءۇشىن وقۋشىلار اراسىنداعى رەسپۋبليكالىق عىلىمي-زەرتتەۋ جۇمىستارى بايقاۋىندا ء ى ورىندى يەلەنگەن.
NIS-ءتىڭ بيىلعى جىلعى جەلىلىك وليمپياداسى قاتىسۋشىلار ءۇشىن ەرەكشە جاعدايدا ءوتتى. ەندىگى كەزەكتە جاس ءبىلىمپازداردى جاڭا بەلەس – رەسپۋبليكالىق وليمپيادا دوداسى كۇتىپ تۇر.
