ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە سەنسەك, 1 ناۋرىزداعى جاعداي بويىنشا 2 407 ادام تاريحي وتانىمەن تابىسىپ, قانداس مارتەبەسىن العان. جالپى 1991 جىلدان بەرى رەسپۋبليكاعا 1 ملن 73 مىڭعا جۋىق ەتنيكالىق قازاق ورالدى.
وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (72,9%) وزبەكستاننان, 15% – قحر-دان, 4,6% – تۇرىكمەنستاننان, 3,5% – موڭعوليادان جانە 4% – باسقا ەلدەردەن قونىس اۋدارعان.
كەلگەن ەتنيكالىق قازاقتار نەگىزىنەن الماتى (36,8%), تۇركىستان (16,4%) جانە ماڭعىستاۋ (10,2%) وبلىستارىنا, سونداي-اق شىمكەنت (12,7%) جانە نۇر-سۇلتان (5,9%) قالالارىنا قونىستاندى. 1 ناۋرىزداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار ۇلەسى – 58,4%, ەڭبەككە قابىلەتتى جاستان كىشى – 24,3% جانە زەينەتكەرلەر 17,3%.
