ايماقتار • 08 ناۋرىز، 2021

400 مىڭنان استام اقمولالىق ەلەكتروندى-تسيفرلىق قولتاڭبا الدى

16 رەت كورسەتىلدى

اقمولا وبلىسىندا وبلىستىق قوعامدىق كەڭەستىڭ كەزەكتى وتىرىسى ءوتىپ، وندا مەملەكەتتىك قىزمەت كورسەتۋ سالاسىنداعى وزەكتى ماسەلەلەر قارالدى.

قر مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى بەرگەن بەسپالينوۆ ءوز بايانداماسىندا مەملەكەتتىك قىزمەتتەردىڭ ساپاسىن جانە تسيفرلاندىرۋ ارقىلى حالىق ءۇشىن قولجەتىمدىلىگىن قامتاماسىز ەتۋگە ەرەكشە نازار اۋداردى. 2020 جىلى مەملەكەتتىك قىزمەتتەردىڭ 94،8% ەلەكتروندى تۇردە كورسەتىلگەن. 443 مىڭ ادامعا ەتسق بەرىلدى.

سونداي-اق، ب.بەسپالينوۆ باقىلاۋ ءىس-شارالارىنىڭ قورىتىندىلارى تۋرالى حاباردار ەتتى. مىسالى، دەپارتامەنتپەن 50 تەكسەرۋ جۇرگىزىلدى. تارتىپتىك جاۋاپكەرشىلىككە 9 لاۋازىمدى تۇلعا تارتىلدى، جالپى سوماسى 558 735 تەڭگەگە اكىمشىلىك قۇقىق بۇزۋشىلىق تۋرالى 14 حاتتاما جاسالدى.

«مەملەكەتتىك قىزمەت كورسەتۋ ساپاسىنا مەملەكەتتىك باقىلاۋدى جۇزەگە اسىرۋداعى ماڭىزدى باعىت ازاماتتاردىڭ وتىنىشتەرىن قاراۋ جانە بۇزىلعان قۇقىقتارىن قالپىنا كەلتىرۋ بولىپ تابىلادى. 2020 جىلى دەپارتامەنت ءتۇرلى سيپاتتاعى 38 شاعىمدى قارادى»، - دەپ اتاپ ءوتتى ب.بەسپالينوۆ.

وتىرىستا مەملەكەتتىك قىزمەت كورسەتۋدىڭ پروبلەمالىق ماسەلەلەرى تالقىلاندى. قورىتىندىسى بويىنشا ءتيىستى ۇسىنىمدار ەنگىزىلدى.

سوڭعى جاڭالىقتار

ۇقساس جاڭالىقتار