قوعام • 08 ناۋرىز، 2021

گەندەرلىك تەڭدىك جولىندا قازاقستاننىڭ ءوز تاجىريبەسى بار

76 رەت كورسەتىلدى

بۇۇ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري حالىقارالىق ايەلدەر مەن قىزدار مەرەكەسىنە وراي قۇتتىقتاۋ جولدادى، دەپ حابارلايدى Egemen.kz.

«حالىقارالىق ايەلدەر كۇنىن قازاقستان حالقىمەن بىرگە اتاپ ءوتۋ بارىسىندا ءبىز ايەلدەردىڭ ءوز قۇقىقتارى، قادىر-قاسيەتى مەن تەڭدىگىن قۇرمەتتەۋدى قامتاماسىز ەتۋدەگى جەتىستىكتەرىن اتاپ وتۋدەمىز. 2021 جىلى حالىقارالىق ايەلدەر كۇنى تاقىرىبى – «كوشباسشىلىقتاعى ايەلدەر: COVID-19 الەمىندە تەڭ بولاشاققا قول جەتكىزۋ»، بۇل الەمدەگى جانە قازاقستانداعى ايەلدەر مەن قىزداردىڭ ءادىل بولاشاقتى قالىپتاستىرۋ جانە COVID-19 ىندەتىنەن شىعۋ جولىنداعى وراسان زور كۇش-جىگەرىن ماداقتايدى.

ايەلدەر COVID-19 داعدارىسى بارىسىنا مەديتسينالىق قىزمەتكەرلەر، قامقورشىلار، جاڭاشىلدار، قوعامداستىق ۇيىمداستىرۋشىلار جانە پاندەميامەن كۇرەستەگى ەڭ ۇلگىلى جانە ءتيىمدى ۇلتتىق كوشباسشىلار رەتىندە تانىمال. داعدارىس ولاردىڭ قوسقان ۇلەسىنىڭ ماڭىزدىلىعىن دا، ايەلدەر كوتەرەتىن پروپورتسيونالدى ەمەس اۋىر جۇكتەمەنىدە كورسەتتى.

سونىمەن بىرگە، COVID-19 قارسى كۇرەس تە ايەلدەر كوشباسشىلىعىنىڭ كۇشى مەن تيىمدىلىگىن كورسەتتى. ايەلدەر ۇيىمدارى، اسىرەسە قوعامداستىق دەڭگەيىندە، ماڭىزدى قىزمەتتەر مەن اقپارات ۇسىنۋداعى ماڭىزدى ءرول اتقارۋدا.

بيىلعى حالىقارالىق ايەلدەر كۇنى ءبىز COVID-19-دان كەيىن ايەلدەر قۇقىقتارى مەن كوشباسشىلىعىن نىعايتۋعا ۇلكەن مۇمكىندىك بەرەتىن تەڭدىك بۋىنى 2021 فورۋمىنىڭ شۇعىل قاجەتتىلىگىن اتاپ وتەمىز.

پاندەميادان كەيىنگى قالپىنا كەلتىرۋ – بۇل تەڭ وكىلدىكتى قامتاماسىز ەتۋ، قامقورلىق پەن الەۋمەتتىك قورعاۋ ەكونوميكاسىنا ۇلكەن قاراجات سالۋ، ايەلدەردىڭ ەكونوميكالىق تۇرعىدان تولىق قامتىلۋىنداعى كەدەرگىلەردى جويۋ، بارشا سالالارداعى بارلىق ديسكريميناتسيالىق زاڭداردىڭ كۇشىن جويۋ، توتەنشە جاعداي جوسپارىن قۇرۋ ارقىلى تەڭ مۇمكىندىكتەر اشۋ،ايەلدەر مەن قىزدارعا قاتىستى زورلىق-زومبىلىققا قارسى وتباسىلىق ساياساتتى ناسيحاتتاۋ جانە ەڭ باستىسى، وي-ءورىستى وزگەرتۋ.

تۇراقتى دامۋ ماقساتتارىنا سايكەس گەندەرلىك تەڭدىككە قول جەتكىزۋ جانە ايەلدەردىڭ قۇقىقتارىن كەڭەيتۋ بويىنشا قازاقستان رەسپۋبليكاسىنىڭ كۇش-جىگەرىن قۇپتايمىز: مەملەكەت قاتىسۋىمەن كومپانيالاردى باسقارۋدا ايەلدەر وكىلدىكتەرىن 30% دەيىن ارتتىرۋ جانە ءماجىلىس پەن ءماسليحاتتاردا گەندەرلىك جانە جاستار كۆوتالارىن ەنگىزۋدە (30%). قازاقستان «گەندەرلىك زورلىق-زومبىلىق» جانە «ەكونوميكالىق ادىلەتتىلىك جانە قۇقىقتار» اتتى ەكى ءىس-قيمىل كواليتسياسىنىڭ مۇشەسى بولۋدى جلسپارلاپ، گەندەرلىك تەڭدىك فورۋمى ۇردىسىنە بەلسەندى قاتىسۋدا.

الايدا ايەلدەر جولىندا ءالى دە كەدەرگىلەر كەزدەسۋدە. ايەلدەر قۇقىقتارىن ناسيحاتتاۋ جانە پاندەمياعا دايىندىق پەن ارەكەت ەتۋدەگى ايەل كوشباسشىلارىنىڭالەۋەتىن تولىق پايدالانۋ، بارلىق سالالارداعى جانە بارلىق كەزەڭدەردەگى ساياسات پەن باعدارلامالاردى ازىرلەۋ جانە جۇزەگە اسىرۋ كەزىندە ايەلدەر مەن قىزداردىڭ الۋان ءتۇرلى كوزقاراستارى ەسكەرىلۋى ءتيىس.

ءبىز قازاقستانداعى ايەلدەردىڭ كۇردەلى باعىتتاردا سىندارلى الەۋمەتتىك وزگەرىستەردى قولدايتىن تاماشا مىسالدارىن كوردىك. ءبىز عىلىم، بيزنەس، ءبىلىم، ونەر جانە باسقا دا كوپتەگەن ماڭىزدى سالالاردا قانشاما ايەلدەر مەن قىزداردىڭ كوشباسشىلىق ەتەتىنىنە كۋا بولدىق. قازاقستاننىڭ ءوز تاجىريبەسى بار، سوندىقتان قازاقستاندىق قوعامنىڭ جانە ءبىلىمنىڭ بارشا قابىلەتى جۇمىلدىرىلسا، گەندەرلىك تەڭدىككە قاتىستى جوسپار ودان دا تابىستى جۇزەگە اسۋى مۇمكىن.

ساياسي، الەۋمەتتىك جانە ەكونوميكالىق ءومىردىڭ بارلىق سالالارىندا ايەلدەردىڭ تەڭ قاتىسۋىن قامتاماسىز ەتەتىن ساياساتتى نىعايتۋ ماڭىزدى بولعانىمەن، گەندەرلىك ماسەلەلەرگە قاتىستى الەۋمەتتىك نورمالار ءالى دە ايەلدەرالەۋەتىنىڭ تولىققاندى جۇزەگە اسۋىنا كەدەرگى بولىپ وتىرعانىن مويىنداۋ ماڭىزدى. ايەلدەر مەن ەرلەر اراسىنداعى ءۇي شارۋاسىن، ونىڭ ىشىندە بالا كۇتىمى جانە قارتتارعا كۇتىم جاساۋ سياقتى جۇمىستاردى تەڭ دارەجەدە ءبولۋ ايەلدەردىڭ تەڭ قۇقىقتارى مەن مۇمكىندىكتەرىن پايدالانا الاتىن ادىلەتتى قوعام قۇرۋعا ۇلكەن جول اشۋى مۇمكىن.

ايەلدەر كوشباسشىلىعى مەن تەڭ قۇقىلى قاتىسۋىن دامىتۋ ءۇشىن الەمگە جاڭا سەرپىن قاجەت. وسىنى جۇزەگە اسىرۋ بارشامىزعا پايدالى بولاتىنى انىق. ءبىز وسى ماڭىزدى كەزەڭ وزەگىندەگى جاس ايەلدەر مەن ەركەكتەردى، قىزدار مەن ۇلداردى ادىلەتتى الەمدە ءومىر سۇرۋگە شاقىرامىز. بۇۇ-نىڭ قازاقستانداعى جۇيەسى ەشكىمدى ارتتا قالدىرماۋ ۇرانىمەن اتالعان باعىتتا قازاقستانعا بارىنشا قولداۋ كورسەتۋگە دايىن»، دەدى ول.

سوڭعى جاڭالىقتار

ۇقساس جاڭالىقتار