سىر ەلىندەگى يگى ىستەر مارافونى حالىقارالىق ايەلدەر كۇنى مەرەكەسى قارساڭىندا 1000 وتباسىعا قۋانىش سىيلادى. وبلىستىق باسقارمالار مەن قالا اكىمدىگى تاراپىنان 700 وتباسىعا ازىق-ت ۇلىك سەبەتتەرى ۇلەستىرىلسە, كەنتتەر مەن اۋىلدىق وكرۋگ اكىمدىكتەرى 300 وتباسىعا ازىق-ت ۇلىك ونىمدەرىنەن قۇرالعان الەۋمەتتىك پاكەتتەر تاراتتى.
ورتاق ىستەرگە توپتاسىپ, كوپبالالى وتباسىلارعا قۋانىش سىيلاۋعا “باقىتتى وتباسى” قىزمەتكەرلەرى, “سىر انالارى” اليانىسىنىڭ بىرقاتار ەرىكتى انالارى جانە قىزىلوردا وبلىسىنىڭ ۆولونتەرلار فرونت-وفيسى ەرىكتىلەرى جۇمىلدى.
مەرەكە قارساڭىندا ءاربىر وتباسىعا تاراتىلعان الەۋمەتتىك سەبەتتە ەڭ قاجەتتى كۇن سايىن تۇتىناتىن ونىمدەر توپتاستىرىلعان. ايتالىق, ۇن, كۇرىش, ماكارون, ماي, ءشاي ونىمدەرى.
يگى ىستەرگە جول اشاتىن «قايىرىمدى ىستەر مارافونى» العىس ايتۋ كۇنىندە باستاۋ الدى جانە ءارى قاراي جالعاساتىن بولادى.
ايتا كەتەيىك, قىزىلوردا وبلىسىندا وتكەن جىلى بيۋدجەتتەن تىس قاراجات كوزدەرىنەن الەۋمەتتىك جاعدايى تومەن وتباستارىنا 1 ملرد 634 ملن تەڭگەگە قايىرىمدىلىق كومەكتەر كورسەتىلدى. ال, باستاماشىل توپ «Syr Volonterlary» ورتالىعى ازاماتتىق قوعام ينستيتۋتتارى, جاستار ۇيىمدارى جانە مەتسەناتتارمەن بىرلەسىپ 521 قايىرىمدىلىق شارا وتكىزىپ, 19669 ادامعا كومەك بەرىلدى.
