الەم • 06 ناۋرىز، 2021

الەم ەلدەرىندەگى كوروناۆيرۋسقا قاتىستى احۋالعا شولۋ

23 رەت كورسەتىلدى

ەۋرو وداققا مۇشە ەلدەر كوروناۆيرۋسقا قارسى رەسەيلىك نە قىتايلىق ۆاكتسينانى قولدانۋىنا بولادى. بۇل تۋرالى ەو-تىڭ ىشكى نارىق جونىندەگى ەۋروكوميسسارى تەرري برەتون مالىمدەدى.

بريۋسسەلدە ەۋروپا تۇرعىندارىن ۆاكتسينالاۋ ماسەلەسىن جەدەلدەتىپ قولعا الۋ قاجەتتىگى تالقىلاندى. چەحيا مەن ۆەنگريا رەسەيلىك پرەپاراتتى پايدالانۋعا دايىن ەكەندىكتەرىن جاريالادى.

اقش پرەزيدەنتى دجو بايدەن تەحاس پەن ميسسيسيپي شتاتىنداعى ماسكا تاعۋ رەجيمىن الىپ تاستاۋ اقىلعا قونبايتىن شەشىم دەپ سىنعا الدى.
گۋبەرناتورلاردىڭ قاتەلىگىن ايتقان بايدەن، ۆاكتسيناتسيا ناۋقانى ءجۇرىپ جاتسا دا ءالى دە ساقتىق شارالارىنا ءمان بەرگەن ءجون دەپ سانايدى.

فرانتسيانىڭ لا-مانش بۇعازسىنا جاقىن ورنالاسقان پا-دە-كالە ايماعىندا دەمالىس كۇندەرىنە لوكداۋن جاريالاندى. ازىرگە، مۇنداي شەكتەۋ شاراسىنىڭ قانشا ۋاقىتقا سوزىلاتىنى بەلگىسىز. جەرگىلىكتى بيلىك ىندەت اسقىنىپ بارا جاتقان سوڭ وسىنداي شەشىم قابىلداعان.

گەرمانيادا ناۋرىزدىڭ سوڭىنا دەيىن لوكداۋن جالعاسادى. ەل بيلىگى وسىنداي شەكتەۋ شارالارى ارقىلى 16 فەدەرالدى اۋماقتىڭ ەكەۋىندە ۆيرۋس جۇقتىرعاندار سانى تومەندەيدى دەپ بولجايدى. مۇنداي ءتاسىلدى بەرلين بىرنەشە ايدان بەرى قولعا الىپ كەلەدى.

دانيا 65 جاستان اسقان ازاماتتارعا AstraZeneca ۆاكتسيناسىنىڭ قولدانۋ تۋرالى شەشىم قابىلدادى. ەل بيلىگى مۇنداي قادامعا بارۋىنىڭ باستى سەبەبى شوتلانديادا جۇرگىزىلگەن زەرتتەۋلەردىڭ وڭ ناتيجەسىمەن بايلانىستى ەكەنىن مالىمدەدى.

ۇلىبريتانيا بيلىگى ەلگە كوروناۆيرۋستىڭ «برازيليالىق» شتاممىن اكەلگەن التىنشى ادامدى انىقتادى. العاشقى بەس ادامدى بىردەن تاپقان. ال تەست قورىتىندىسىندا ىندەت جۇقتىرىپ كەلگەنى بەلگىلى بولعان التىنشى ادام دارىگەرلەرگە مەكەن-جايى، جەكە باسىنا قاتىستى مالىمەتتەردى قالدىرماي كەتىپ، ءبىراز اۋرەگە سالعان.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار