ايماقتار • 05 ناۋرىز، 2021

باعدات مۋسين شىمكەنتكە باردى

8 رەت كورسەتىلدى

قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين شىمكەنت قالاسىنا قىزمەتتىك ساپارمەن كەلدى.

مينيستر شىمكەنتكە ساپارى كەزىندە شالعاي ورنالاسقان ەلدىمەكەن تۇرعىندارىمەن كەزدەسىپ، قالانى تسيفرلاندىرۋ بويىنشا اتقارىلعان جۇمىستارمەن تانىستى. ودان سوڭ اكىمدىك عيماراتىندا قالا اكىمى مۇرات ايتەنوۆتىڭ توراعالىعىمەن وتكەن ماجىلىسكە قاتىستى.   مينيستر شىمكەنتكە ساپارى كەزىندە شالعاي ورنالاسقان ەلدىمەكەن تۇرعىندارىمەن كەزدەسىپ، قالانى تسيفرلاندىرۋ بويىنشا اتقارىلعان جۇمىستارمەن تانىستى. ودان سوڭ اكىمدىك عيماراتىندا قالا اكىمى مۇرات ايتەنوۆتىڭ توراعالىعىمەن وتكەن ماجىلىسكە قاتىستى.   

جيىندا قالالىق تسيفرلاندىرۋ باسقارماسىنىڭ باسشىسى اسەت ابدراحانوۆ قالاداعى تسيفرلاندىرۋ باعىتىندا اتقارىلىپ جاتقان جۇمىستاردان حاباردار ەتىپ، الداعى جوسپارلارىن ايتتى. 

وتكەن جىلى قالاداعى ينتەرنەت جەلىسىن جاقسارتۋ ماقساتىندا مينيسترلىكپەن جول كارتاسى جاسالعان. سوعان سايكەس، 3 كەزەڭ بويىنشا جۇمىس جوسپارى ازىرلەندى. 1-كەزەڭدە 11 جەر ۋچاسكەسى ازىرلەنىپ، انتەننا-ماتچتالىق قوندىرعىلار قويىلدى. التىنتوبە، اسار، اسار-2، اقتاس-2، كوكبۇلاق، سولتۇستىك-باتىس، دوستىق، تۇران، ايكول جانە شىمكەنت سيتيدەگى ەكى جەردە بازالىق ستانتسيا ىسكە قوسىلدى. ەكىنشى كەزەڭدە 13 جەر انىقتالىپ، ماتچتالىق قوندىرعىلار قويۋ جۇمىستارى ءجۇرىپ جاتىر. 

سونىمەن قاتار، 30 قوعامدىق ورىنعا «اقىلدى كۇنباعىس» كەشەنى ورناتىلدى. وندا تۇرعىندار تەگىن wi-fi قولدانا الادى. مۇنداي كەشەن جىل سوڭىنا دەيىن قوسىمشا 30 ورىنمەن تولىقپاق. 

باسقارما باسشىسى بۇدان وزگە، ءبىلىم جانە دەنساۋلىق سالاسىنىڭ تولىعىمەن ەلەكتروندى فورماتقا كوشىرىلگەنىن اتاپ ءوتتى. قوعامدىق كولىكتەردە ەلەكتروندى بيلەتتەندىرۋ جۇيەسىنىڭ ەنگىزىلگەنى، ديسپەتچەرلىك ورتالىقتىڭ اشىلعانى تاعى بار.  

-تۇرعىنۇي كوممۋنالدىق شارۋاشىلىق سالاسىنا قاتىستى 2 جوبانى قولعا الدىق. سونداي-اق، «اقىلدى جاياۋ جۇرگىنشى جولى»، «اقىلدى ەسەپتەگىش» سەكىلدى جوبالاردى جاساۋ  جوسپارى تۇر. «اقىلدى كوشە شامدارى» جوباسىنا سايكەس مەملەكەتتىك-جەكەشەلىك ارىپتەستىك اياسىندا 303 كوشە جارىقتاندىرىلماق. ناتيجەسىندە مەگاپوليستى جارىقتاندىرۋ 70 پايىزدى قۇرايدى. «تسيفرلى قازاقستان» مەملەكەتتىك باعدارلاماسىنا سايكەس 100-گە تارتا ءىس-شارا جۇرگىزىلەتىن بولادى، - دەدى اسەت ابدراحانوۆ. 

كۇندەلىكتى ومىردە تسيفرلىق سالا اينىماس بولشەگىمىزگە اينالدى دەگەن شىمكەنت قالاسىنىڭ اكىمى مۇرات ايتەنوۆ باستالعان جۇمىستار ءوز مەرزىمىندە ساپالى اياقتالۋىن تاپسىردى. حالىقتى اقپاراتتىق-كوممۋنيكاتسيالىق تەحنولوگيالارمەن قامتاماسىز ەتۋ، ونىڭ ىشىندە ينتەرنەت جەلىسىن دامىتۋ باستى مىندەتتەرىڭىز. بۇل رەتتە بايلانىس قىزمەتتەرىن ۇسىناتىن پروۆايدەرلەر مەن موبيلدىك وپەراتورلارمەن كەلىسسوزدەر جۇرگىزىپ، كورسەتىلەتىن قىزمەتتەردىڭ ساپاسىنا ەرەكشە نازار اۋدارىڭدار دەپ سالا باسشىسىنا جۇكتەدى. 

ءوز كەزەگىندە، اتالعان ۆەدومستۆو باسشىسى شىمكەنتتەگى ناتيجەلى جۇمىستاردى وڭ باعالاپ، بۇدان ءارى دە ايتي، تسيفرلاندىرۋ سالاسىن جانداندىرۋ قاجەتتىگىن ايتتى. "پيلوتتىق جوبالاردان نەگىزگى جوبالارعا جىلدام ءوتۋ كەرەك. تۇرعىندارمەن قارىم-قاتىناستى نىعايتۋ كەرەك. ورتالىقتاعى مامان ءوڭىردى جاقسى ءبىلۋى وتە ماڭىزدى. قۇرىلىسى ءجۇرىپ جاتقان ۇيلەرگە سۋ، گاز، جىلۋ سياقتى، وپتيكالىق ينتەرنەت تە تارتىلۋ كەرەك. وزگە قالانىڭ ماماندارمەن دە تاجاريبە الماسىپ، بىرگە جۇمىس جاساۋعا دا بولادى" دەدى ب.مۋسين.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار