ايماقتار • 05 ناۋرىز، 2021

گۇلشارا ابدىقالىقوۆا اياۋلى انالاردى مەرەكەسىمەن قۇتتىقتادى

93 رەت كورسەتىلدى

وبلىس اكىمى گۇلشارا ابدىقالىقوۆا 8 ناۋرىز – «حالىقارالىق ايەلدەر كۇنى» مەرەكەسى قارساڭىندا ايەل-انالارمەن كەزدەسىپ، ولاردى مەرەكەمەن قۇتتىقتادى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

«انالارىمىزدى ارداقتاپ، قادىر تۇتۋدىڭ شەكتەۋلى مەرزىمى جوق. دەسەك تە، كوكتەمنىڭ كۇنىن كورىكتى ەتەتىن 8 ناۋرىز – «حالىقارالىق ايەلدەر كۇنى» سول 365 كۇننىڭ ەڭ ءبىر ەرەكشە كۇنى ەكەنى داۋسىز. ولاي بولسا، بۇگىن قوعامنىڭ بارلىق سالاسىندا ەرلەرمەن يىق تىرەستىرە ەڭبەك ەتىپ جۇرگەن نازىك جاندارعا، اياۋلى انالارعا شىنايى العىسىمىزدى بىلدىرسەك دەگەن نيەتپەن جينالىپ وتىرمىز. بيىل - تاۋەلسىزدىگىمىزدىڭ 30 جىلدىق مەرەيلى جىلى. وسى جىلدار ىشىندەگى ەلىمىزدىڭ تولاعاي تابىستارى مەن سىر ولكەسىنىڭ قول جەتكەن جەتىستىكتەرىنىڭ بارلىعىندا ءبىر قولىمەن بەسىك، ەكىنشى قولىمەن الەمدى تەربەتكەن ايەلدەر قاۋىمىنىڭ ءوز قولتاڭباسى بار. سىزدەردى قاسيەتتى جەر-انا بۋسانىپ، قار استىنان العاشقى بايشەشەك بوي كوتەرىپ، جەر-دۇنيە كۇن شۋاعىنا بولەنەتىن كوكتەمنىڭ كورىكتى مەرەكەسىمەن قۇتتىقتاۋعا رۇقسات ەتىڭىزدەر!» دەدى وبلىس اكىمى گۇلشارا ابدىقالىقوۆا.

قازىرگى تاڭدا وڭىرىمىزدەگى حالىق سانى - 814 461 بولسا، ونىڭ ىشىندە نازىك جاندىلاردىڭ سانى – 405 526 قۇرايدى. قالالىق جەردەگى ايەلدەر – 185 462 بولسا، اۋىلدىق جەردە - 220 064. كوپبالالى انالار سانى - 38 706. ونىڭ ىشىندە «التىن القا» يەسى – 4363 بولسا، «كۇمىس القا» يەسى – 9655. وبلىس بويىنشا مەملەكەتتىك قىزمەتشىلەردىڭ 37 پايىزى – ايەلدەر. سونداي-اق، مەديتسينا قىزمەتكەرلەرىنىڭ 87 پايىزى، پەداگوگتاردىڭ 73 پايىزى ايەلدەر بولسا، جالپى بيۋدجەتتىك سالادا 60 پايىز قىز-كەلىنشەك قىزمەت ەتەدى. وبلىستىق، قالالىق اۋداندىق دەپۋتاتتارى سانى – 152 بولسا، ونىڭ 39-ى ايەل ازاماتشا. بۇگىندە وڭىرىمىزدە 54 157 شاعىن جانە ورتا كاسىپكەرلىك سۋبەكتىسى تىركەلسە، ونىڭ شامامەن 22 مىڭنان استامى ايەل كاسىپكەر.

وتكەن 2020 جىلى «بيزنەستىڭ جول كارتاسى-2025» مەملەكەتتىك باعدارلاماسى اياسىندا 382 كاسىپكەرگە قولداۋ كورسەتىلسە، ونىڭ ىشىندە 178-ءى ايەل كاسىپكەر قولداۋعا قول جەتكىزگەن.

كەزدەسۋدە ايماق باسشىسى كوپ بالالى انالار يۋليا پاناششۋك پەن فاريدا تورەقوجاەۆاعا «كۇمىس القا» توسبەلگىسىن تابىس ەتتى.

شارادا ءسوز العان وبلىستىڭ قۇرمەتتى ازاماتى الماگۇل بوجانوۆا مەن اۋىلشارۋاشىلىعى سالاسىنىڭ ارداگەرى رايا بەردەشوۆا قورسەتىلىپ جاتقان قۇرمەت ءۇشىن ايماق باسشىسىنا العىسىن ءبىلدىرىپ، ءوڭىردىڭ وركەندەۋىنە تىلەكتەستىكتەرىن ءبىلدىردى.

ال، 25 جىلدان اسا اكۋشەر قىزمەتىن اتقارىپ، 10 مىڭنان اسا ءسابيدىڭ «كىندىك اناسى» اتانعان گۇلميرا يسابەكوۆا ايەل جانە انا باقىتى جايلى ونەگەلى ويلارىمەن ءبولىستى.

اقىن اسىلزات ارىستانبەك «ايەل الەمى» اتتى ولەڭىن وقىپ، مەرەكە يەلەرىنە جىردان شاشۋ شاشتى. تاۋەلسىزدىكتىڭ قۇرداسى، قورقىت اتا اتىنداعى قىزىلوردا ۋنيۆەرسيتەتىنىڭ حالىقارالىق بايلانىستار ءبولىمىنىڭ باسشىسى، «مەملەكەتتىك جانە جەرگىلىكتى باسقارۋ» ءبىلىم بەرۋ باعدارلاماسىنىڭ دوكتورانتى بەكزات ىرزا جاستارعا جاسالىپ جاتقان مەملەكەتتىڭ قولداۋلارىن ايتا كەلە، ەل مۇددەسى ءۇشىن ايانباي ەڭبەك ەتەتىندىگىن جەتكىزدى.

جالپى نازىكتىك پەن سۇلۋلىقتىڭ سيمۆولى سانالاتىن، كوكتەمنىڭ شۋاقتى مەرەكەسىندە باس قوسقان ايەلدەر قاۋىمى، نازىك جاندىلاردىڭ قوعامداعى ورنى، ولاردىڭ ۇرپاق تاربيەسى مەن ەل ومىرىندەگى ەلەۋلى ىستەرگە ۇلەسى جايلى ەركىن پىكىر الماستى.

كەزدەسۋ سوڭىندا ايماق باسشىسى سالتاناتتى باسقوسۋدىڭ قوناقتارىنا مەرەكەلىك سىيلىقتار تابىستاپ، ەستەلىك سۋرەتكە ءتۇستى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار