قۇجات اسكەري پوليتسيا ورگاندارىنا اسكەري قىزمەتتىڭ قاۋىپسىزدىگىن قامتاماسىز ەتۋدى ۇيىمداستىراتىن ۆەدومستۆولىق باقىلاۋ فۋنكتسياسىن بەرۋدى كوزدەيدى.
قازىرگى ۋاقىتتا اسكەري پوليتسيا اتقاراتىن فۋنكتسيالار مەن مىندەتتەردىڭ اۋقىمى بار, الايدا زاڭنامالىق دەڭگەيدە رەتتەلمەگەن. بۇل قورعانىس مينيسترلىگىنىڭ رەجيمى مەن قاۋىپسىزدىگىن قامتاماسىز ەتۋ, قارۋلى كۇشتەردىڭ اسكەري قىزمەتشىلەرى مەن ازاماتتىق پەرسونالدارىنا پوليگرافولوگيالىق زەرتتەۋلەر جۇرگىزۋ.
جاڭا قۇجاتتا قورعانىس ءمينيسترى بەكىتەتىن تىزبەگە سايكەس ۆەدومستۆولىق وبەكتىلەردىڭ رەجيمى مەن قاۋىپسىزدىگىن قامتاماسىز ەتۋ جونىندەگى وكىلەتتىكتەردى اسكەري پوليتسيا ورگاندارىنا بەرۋ ۇسىنىلادى. سونداي-اق اسكەرلەردىڭ قاتىسۋىمەن وتەتىن بۇقارالىق شارالار كەزىندە قۇقىقتىق ءتارتىپ پەن قاۋىپسىزدىكتى قامتاماسىز ەتۋ بويىنشا مىندەتتەر ايقىندالدى.
ارنايى مەملەكەتتىك ورگاندارمەن ءوزارا قارىم-قاتىناس ماسەلەلەرى دە رەتتەلگەن.
بۇدان باسقا, زاڭ جوباسىندا اسكەري پوليتسيا وكىلدەرىنىڭ بەيبىتشىلىكتى قولداۋ جونىندەگى حالىقارالىق ميسسيالارعا, ونىڭ ىشىندە بۇۇ ميسسيالارىنا قاتىسۋىن رەگلامەنتتەۋ ماقساتىندا رەداكتسيالىق سيپاتتاعى بىرقاتار تۇزەتۋلەر كوزدەلگەن.
قۇجاتتىڭ تولىق ماتىنىمەن اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا مىنا سىلتەمە بويىنشا تانىسۋعا بولادى: https://legalacts.egov.kz/npa/view?id=4261753.
