ايماقتا ەنگىزىلگەن شەكتەۋلەر قوناقۇي, ءدامحانا, مەيرامحانا, ساۋدا ورتالىعى جانە باسقا قوعامدىق ورىنداردىڭ جۇمىسىنا قاتىستى بولىپ وتىر. دۋباي بيلىگى اقپاندا قابىلدانعان شارالاردىڭ ء تيىم بولعانىن اتاپ ءوتتى. ويتكەنى كۇنىنە COVID-19 جۇقتىرۋ جاعدايى ازايا باستاعان. سوندىقتان شەكتەۋ شارالارى ۇزارتىلدى.
دۋبايدا 12 ساۋىرگە دەيىن مىناداي انتيكوۆيد شارالارى ساقتالادى:
- كينوزالداردى, ويىن-ساۋىق جانە سپورت كونتەنتى بار مەكەمەلەردى قوسا العاندا, جابىق عيماراتتار اشىق بولادى, تەك كەلۋشىلەر سانى 50 پايىزدان اسپاۋ كەرەك;
- قوناقۇيلەردىڭ ىشىندەگى ساۋدا زالدارى, قوناقۇيلەر, باسسەيندەر جانە جەكە جاعاجايلار قالىپتى ەرەجەلەرگە سايكەس ادام كىرگىزە الادى, تەك كەلۋشىلەر سانى 70 پايىزدان اسپاۋ كەرەك;
- تاماقتانۋ ورىندارى, سونىڭ ىشىندە مەيرامحانالار مەن ءدامحانالار ساعات 01:00-دە جابىلادى;
- بارلار مەن پابتارعا جۇمىس ىستەۋگە تىيىم سالىنادى;
- مىندەتتى تۇردە بەتپەردە كيىپ, الەۋمەتتىك قاشىقتىق ساقتاۋ كەرەك.
