وبلىستىق پوليتسيا دەپارتامەنتىنىڭ مالىمەتىنشە, 2 ناۋرىز ساعات 06:35 كەزىندە ارشالى اۋداندىق پب كەزەكشى بولىمىنە جەدەل جاردەم فەلدشەرى حابارلاسىپ, اۋداندىق اۋرۋحانانىڭ قابىلداۋ بولىمىنە ء«ىش تۇسىنان پىشاق جاراقاتى» دياگنوزىمەن ەر ادامنىڭ تۇسكەنىن ايتقان. شاقىرۋ بويىنشا بارعان ءتارتىپ ساقشىلارى 35 جاستاعى ەر ادامنىڭ اۋرۋحاناعا پىشاق جاراقاتىمەن جەتكىزىلگەنىن انىقتادى. بىراق زارداپ شەگۋشى ماس بولعاندىقتان وقيعانىڭ ءمان-جايىن ايتا المادى.
«جەدەل-ىزدەستىرۋ شاراسى بارىسىندا, پوليتسيا قىزمەتكەرلەرى قاراعاندى وبلىسى ساران قالاسىنىڭ 29 جاستاعى تۇرعىنىن انىقتاپ, ۇستادى, ول ءوز كىناسىن تولىق مويىندادى», دەدى ۆەدومستۆودان.
الدىن الا مالىمەتتەر بويىنشا زارداپ شەگۋشى مەن كۇدىكتى جەرگىلىكتى جشس-دە بىرگە جۇمىس ىستەگەن. ەكەۋارا سپيرتتىك ىشىمدىك ىشكەن سوڭ سوزگە كەلىپ قالىپ, ارتىنشا قاراعاندىلىق 35 جاستاعى ەر ادامعا پىشاق سۇعىپ العان.
«پىشاق ايعاق رەتىندە تاركىلەندى. ەر ادامعا قاتىستى قىلمىستىق كودەكستىڭ 106-بابى بويىنشا سوتقا دەيىنگى تەرگەۋ شارالارى جۇرگىزىلۋدە. كۇدىكتى ارشالى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى», دەپ تولىقتىردى
