«اقپارات سالاسىنداعى ۋاكىلەتتى ورگان تۇراقتى نەگىزدە سۋيتسيدتىك مىنەز-ق ۇلىقتى تىكەلەي نەمەسە جاناما ناسيحاتتايتىن زاڭسىز كونتەنتتەردى انىقتاۋ جانە بۇعاتتاۋ بويىنشا بۇقارالىق اقپاراتتىق قۇرالدارىنا, الەۋمەتتىك جەلىلەرگە, ينتەرنەت رەسۋرستارعا مونيتورينگ جۇرگىزەدى. 2020 جىلى مونيتورينگ ناتيجەسىندە انىقتالعان جاسوسپىرىمدەر پسيحيكاسىنا كەرى اسەر ەتەتىن 30 مىڭعا جۋىق ماتەريال ينتەرنەت رەسۋرستاردان الىپ تاستالدى. 3 772 استام ماتەريالعا توسقاۋىل قويىلدى. 2021 جىلدىڭ باسىنان باستاپ ءسۋيتسيدتى, پورنوگرافيانى ناسيحاتتايتىن, قاتىگەزدىككە تابىنۋدى قالىپتاستىراتىن 731 ماتەريال بويىنشا ءىس-شارالار قابىلداندى», دەدى ۇكىمەت باسشىسى.
پرەمەر-ءمينيستردىڭ پىكىرىنشە, بارلىق مەكتەپ وقۋشىلارىنىڭ بويىنا ۇلتتىق تاربيەنى سىڭىرۋگە, وتباسىلىق قۇندىلىقتاردى دامىتۋعا باعىتتالعان «قۇندىلىقتارعا نەگىزدەلگەن ءبىلىم بەرۋ» جوباسى ىسكە اسىرىلىپ جاتىر. بۇل جوبا ءوزىن-ءوزى تانۋدى, ءوزىن-ءوزى دامىتۋدى, الەۋمەتتىك جاۋاپكەرشىلىكتى جانە وقۋشىلاردىڭ الەۋمەتتەنۋىن قالىپتاستىرۋعا ىقپال ەتەدى.
«تاربيە جۇمىسىن كۇشەيتۋ, وقۋ-تاربيە پروتسەسىندە وتباسىلىق جانە ۇلتتىق قۇندىلىقتاردى دارىپتەۋ جونىندەگى ءىس-شارالار كەشەنى ىسكە اسىرىلۋدا. پەداگوگتەردىڭ وقۋشىلارعا تاربيە بەرۋ بويىنشا قۇزىرەتتىلىگى كەڭەيتىلدى. وسىعان بايلانىستى ولاردىڭ بىلىكتىلىگىن ارتتىرۋ باعدارلامالارىنىڭ مازمۇنى جاڭارتىلدى. ءبىلىم بەرۋ جۇيەسىنىڭ ادىستەمەلىك مازمۇنى قايتا قارالدى», دەدى اسقار مامين.
