پرەزيدەنت • 03 ناۋرىز، 2021

پرەزيدەنت ەۋرازيالىق ەكونوميكالىق كوميسسيا القاسىنىڭ توراعاسىمەن كەزدەستى

13 رەت كورسەتىلدى

مەملەكەت باسشىسى ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچپەن كەزدەستى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ. 

كەزدەسۋدە ەۋرازيالىق ەكونوميكالىق وداقتىڭ ستراتەگيالىق دامۋ ماسەلەلەرى جانە قازاقستان رەسپۋبليكاسىنىڭ ۇيىمعا بيىلعى توراعالىعى كەزىندەگى باسىم باعىتتارى تالقىلاندى.

قاسىم-جومارت توقاەۆ ەۋرازيالىق ەكونوميكالىق وداق تۋرالى شارتتىڭ تولىققاندى جۇزەگە اسىرىلۋىنىڭ ماڭىزدىلىعىن اتاپ ءوتتى.

اڭگىمەلەسۋ بارىسىندا ءوزارا ساۋداداعى كەدەرگىلەردى جويۋعا جانە وداق شەڭبەرىندە وندىرىستىك كووپەراتسيانى دامىتۋعا ەرەكشە نازار اۋدارىلدى. ەۋرازيالىق ەكونوميكالىق وداقتىڭ تسيفرلىق كۇن ءتارتىبىن ىسكە اسىرۋدىڭ، ونەركاسىپتە، اۋىل شارۋاشىلىعىندا جانە كەدەندىك رەتتەۋدە تسيفرلىق تەحنولوگيالاردى ەنگىزۋدى جەدەلدەتۋدىڭ ماڭىزدىلىعى اتاپ ءوتىلدى. سونداي-اق كوميسسيا جۇمىسىنىڭ تيىمدىلىگىن ارتتىرۋ بويىنشا ۇسىنىستار قاراستىرىلدى.

تاراپتار ەۋرازيالىق ەكونوميكالىق وداقتىڭ ءۇشىنشى ەلدەرمەن جانە حالىقارالىق ۇيىمدارمەن (ەۋروكوميسسيامەن، دۇنيەجۇزىلىك ساۋدا ۇيىمىمەن، وڭتۇستىك-شىعىس ازيا مەملەكەتتەرى قاۋىمداستىعىمەن جانە ت.ب.) ساۋدا-ەكونوميكالىق قاتىناستاردى جولعا قويۋ قاجەتتىگىن اتاپ ءوتتى.

ءوز كەزەگىندە ميحايل مياسنيكوۆيچ كوميسسيانىڭ بيىلعى جۇمىستارى مەن باسىمدىقتارى جانە 2025 جىلعا دەيىنگى ستراتەگيالىق دامۋ جوسپارىن جۇزەگە اسىرۋ جايىندا ايتتى. سونىمەن قاتار ول پرەزيدەنت قاسىم-جومارت توقاەۆتىڭ جۋىرداعى ۇندەۋىندە ايتىلعان قازاقستان توراعالىعىنىڭ باسىم باعىتتارىن ورىنداۋ جونىندەگى كوميسسيانىڭ جوسپارىمەن ءبولىستى.

ەەك القاسىنىڭ توراعاسى قازاقستان پرەزيدەنتى ايتقان ناقتى ۇسىنىستار مەن باستامالاردى قولدادى. ميحايل مياسنيكوۆيچتىڭ ايتۋىنشا، ەۋرازيالىق ەكونوميكالىق وداقتىڭ جۇمىسى بيزنەس قوعامداستىق اراسىنداعى ىقپالداستىقتى جانداندىرۋعا، قوسىمشا قۇن قالىپتاستىرىپ، جاڭا جۇمىس ورىندارىن اشىپ وتىرعان كاسىپورىنداردى قولداۋعا باعىتتالادى. بۇدان بولەك جاس كاسىپكەرلەردى دەمەۋگە دە باسىمدىق بەرىلەدى.

كەزدەسۋ قورىتىندىسى بويىنشا 2021 جىلدىڭ مامىر ايىندا قازاقستاندا جوعارى كەڭەستىڭ كەزەكتى وتىرىسىن وتكىزۋ جونىندە شەشىم قابىلداندى. اتالعان جيىن اياسىندا ەۋرازيالىق ىسكەرلىك فورۋمىن وتكىزۋ جوسپارلانىپ وتىر

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار