ايماقتار • 03 ناۋرىز، 2021

ءۇيسىز قالعان كوپ بالالى وتباسىنا جەكە كومپانيا باسپانا سىيلادى

29 رەت كورسەتىلدى

اياز قىسقان اقپان ايىنىڭ ورتاسىندا تالعار اۋدانىنداعى ءبىر شاڭىراقتا ءورت شىعىپ، توتەنشە جاعداي بولعان ەدى. قيىندىققا تاپ كەلگەن اۋلەتتە شيەتتتەي بالا-شاعا بار-تىن. وقىس وقيعا التى بالالى وتباسىن ابىگەرگە سالعان بولاتىن، دەپ حابارلايدى Egemen.kz

تالدىبۇلاق اۋىلىنداعى بۇل جاعداي اقپارات قۇرالدارى ارقىلى ەلگە تەز تارالدى. جاعدايدان حاباردار بولعان الماتى وبلىسىنىڭ اكىمى اماندىق باتالوۆ اۋدانداعى ازاماتارعا ءتيىستى كومەك ۇيىمداستىرۋ تۋرالى تاپسىرما بەرگەن. ەندى مىنە، اكىمنىڭ باستاماسىنا وڭىردەگى مەتسەناتتار ءۇن قاتىپ، تاعدىر تالقىسىندا قالعان اۋلەتكە باسپانا سىيلادى. جاقىندا التى بالالى وتباسىنا «گوريزونت KZ» كومپانياسى تالعار قالاسىنان ءۇي ساتىپ اپەردى.

– ءتۇن ورتاسى اۋا تۇسىنىكسىز ءبىر دىبىستان ويانىپ كەتتىم. دالاعا شىقسام، ءۇيىمىزدىڭ شاتىرى جانىپ جاتىر ەكەن. كۇيەۋىم كۇزەتشىلىك جۇمىستا بولاتىن. العاشىندا ساسقالاقتاپ قالدىم، بىراق ۇلكەن بالالارىم تەز ەسىمدى جيعىزىپ، ءبارىمىز جىلدام كيىنە باستادىق، ءورت سوندىرۋشىلەردى شاقىردىق. تەك قۇجاتتارىمىزدى عانا الىپ ۇلگەردىك. بۇل وقيعا 25 اقپاندا بولدى. ءبىز تۋراسىن ايتقاندا كوشەدە قالدىق. بىراق بۇگىن سول قيىندىقتىڭ ءبارى ارتتا قالىپ، قاتتى قۋانىپ وتىرمىز. ءوز ءۇيىمىز بار دەگەنگە ءالى دە سەنە الماي تۇرمىن. بەس ۇلىم، ءبىر قىزىم بار. ۇلكەنىم 8 سىنىپتا وقيدى، كىشكەنتايىم 7 ايلىق. ەندى ولاردىڭ ءوز ۇلكەن ۇيلەرى بار. ءبىزدى قيىن ساتتە جالعىز قالدىماي، كومەك قولىن سوزعان جاندارعا العىس ايتامىن. وبلىس اكىمىنە، مەتسەناتتارعا، اۋدان اكىمدىگىنە، جۋرناليستەرگە، ءبىزدى قولداعان بارشا ازاماتتارعا ريزاشىلىعىم شەكسىز، – دەيدى قايىرمدى جانداردىڭ ارقاسىندا باسپانالى بولعان كوپ بالالى انا ايگەرىم تالقانباەۆا.

ايتپاقشى، الماتى وبلىسىندا  بىلتىر 1258 كوپ بالالى وتباسى قونىس تويىن تويلاعان. ونىڭ ىشىندە 180 ءۇي ايماقتاعى مەتسەناتتاردىڭ قارجىسىنا ساتىپ الىنىپتى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار