ايماقتار • 03 ناۋرىز، 2021

«Shymkent City» جوباسىنا 0،5 ترلن تەڭگە ينۆەستيتسيا تارتىلعان

9 رەت كورسەتىلدى

نۇرسۇلتان نازارباەۆتىڭ: «حالقىنىڭ سانى ءبىر ميلليونعا جەتەرلىك شىمكەنتتىڭ كوركى بۇگىنگىسىنەن دە كوركەم بولادى!» دەگەن ءسوزى بار ەدى. ەلباسى ايتقانداي قالا جاڭا لەپپەن، جاڭا قارقىنمەن دامىپ، جىل سايىن تۇرلەنىپ كەلەدى. رەسپۋبليكالىق ماڭىزى بار قالا ستاتۋسىن العان شىمكەنتتە بۇگىندە ساۋلەتى كەلىسكەن جوبالار جۇزەگە اسىرىلىپ وتىر، دەپ حابارلايدى Egemen.kz.

ۇلى جىبەك جولىنىڭ بويىندا ورنالاسقان ورتا ازياداعى ەڭ كونە قالانىڭ جاڭا تاريحي بەينەسىن ايشىقتايتىن قالاداعى ەڭ اۋقىمدى جوبالاردىڭ ءبىرى - «Shymkent City». كولەمى 427 گەكتاردى قۇرايتىن قالاشىق 70 مىڭعا جۋىق تۇرعىنعا ەسەپتەلگەن. وندا 12 تۇرعىن ءۇي كەشەنى سالىنۋدا. ونداعى قۇرىلىسى ءجۇرىپ جاتقان تۇرعىن ءۇيدىڭ جالپى شارشى مەترى 1،7 ملن قۇرايدى. بۇل تۇرعىن ءۇي قۇرىلىسىنا 0،5 ترلن. تەڭگە ينۆەستيتسيا تارتىلعان. اتالعان جوبانىڭ جۇزەگە اسىرىلۋى تۋرالى «شىمكەنت» اكك ۇك اق باسقارما توراعاسى باۋىرجان كانكين ايتىپ ءوتتى.

ونىڭ ايتۋىنشا، باسپانالار قۇرىلىسىنىڭ ورتالىعىندا كولەمى 40 گا بولاتىن ساياباق الاڭى ورنالاسپاق. ال مەملەكەت قارجىسى ەسەبىنەن 24،5 گا قۇرايتىن 1-ءشى ورامدا جالپى قۇنى 27 ملرد تەڭگەگە 43 نىساننىڭ قۇرىلىسى جوسپارلانعان. ونىڭ 39-ى - كوپقاباتتى تۇرعىن ءۇي. بۇگىنگى تاڭدا قالاشىقتا 25 نىسان پايدالانۋعا بەرىلگەن، 23 كوپقاباتتى تۇرعىن ۇيدەگى 1290 پاتەر ەل يگىلىگىندە دەيدى.

«بۇگىندە «Shymkent City» قالاشىعىندا 1048 پاتەرلى 16 كرەديتتىك تۇرعىن ءۇي مەن 2 ينجەنەرلىك ينفراقۇرىلىم نىسانى مەن جالپى ۇزىندىعى 13،8 شاقىرىمدى قۇرايتىن 7 كوشەنىڭ قۇرىلىسى جانە 1200 ورىندىق جاڭا مەكتەپتىڭ قۇرىلىسى اياقتالعان. ەندى سول ماڭنان بالاباقشا سالىنادى. قاجەتتى ينجەنەرلىك-ينفراقۇرىلىم تارتىلعان. مۇندا ءوز الدىنا ءمودۋلدى جىلىتۋ قازاندىعى بار. ول مەكەمەلەر مەن تۇرعىن ۇيلەردى جىل ون ەكى اي ىستىق سۋمەن قامتيدى»،-دەيدى ب.كانكين.

قازىرگى تاڭدا «Shymkent City»-دە فرانتسۋز ساۋلەت ستيلىندە 16 قاباتتى تۇرعىن ۇيلەر بوي كوتەرۋدە. تۇرعىن ءۇي كەشەنى اۋماعىندا زاماناۋي سپورت الاڭدارى، اۆتوتۇراق بار.

سونىمەن قاتار، ول «شىمسيتي» شاعىن اۋدانىنىڭ قۇرىلىسى كەشەۋىلدەپ جاتقاندىعى تۋرالى ويعا كەلىسپەيتىنىن ايتىپ، قالاداعى ءىرى جوبالاردىڭ ءبىرى بولعاندىقتان ءتيىستى جۇمىستار كەزەڭ-كەزەڭىمەن جۇزەگە اسىرىلىپ، قالاشىقتىڭ اۋماعى تولىعىمەن يگەرىلگەنىن، وندا بوس جەردىڭ جوق ەكەنىن جەتكىزدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار