الەم • 03 ناۋرىز، 2021

كوروناۆيرۋس: ۆاكتسينا ەكتىرگەن ەكى ادام قايتىس بولدى

3432 رەت كورسەتىلدى

وڭتۇستىك كورەيادا AstraZeneca ۆاكتسيناسىن ەكتىرگەن ەكى ادام قايتىس بولدى. قازىر جەرگىلىكتى بيلىك ناقتى وسى پرەپاراتتىڭ ەكى ادامنىڭ ولىمىنە سەبەپشى بولعان-بولماعانىن تەرگەۋدە.


وڭتۇستىك كورەيادا AstraZeneca ۆاكتسيناسىن ەكتىرگەننەن كەيىن ەكى ادام قايتىس بولدى،دەپ حابارلايدى Inbusiness.kz پورتالى رەنحاپ اگەنتتىگىنە سىلتەمە جاساپ. رەسمي مالىمەت بويىنشا، ولاردىڭ ەكەۋىندە دە ۆاكتسينا ەكپەستەن بۇرىن باسقا سىرقاتتارى بولعان.  

ءبىرىنشى وقيعا كويان قالاسىنداعى قارت ادامدارعا كۇتىم جاسايتىن اۋرۋحانادا تىركەلدى. 26 اقپاندا 50 جاستان اسقان ادامعا ەكپە جاسالعان. باستاپقىدا جۇرەك جەتكىلىكسىزدىگىنىڭ بەلگىلەرى بايقالىپ، تىنىس الۋى ناشارلاعاندىقتان ناۋقاس اۋرۋحاناعا جاتقىزىلدى. وعان ءتيىستى مەديتسينالىق كومەك كورسەتىلىپ، جاعدايى جاقسارعان ەدى.

الايدا ءبىر كۇن وتكەن سوڭ، ونىڭ دەنساۋلىعى تاعى دا ناشارلاپ، ول كوز جۇمدى. مامانداردىڭ سوزىنە سەنسەك، ناۋقاستا جۇرەك اۋرۋى، قانت ديابەتى بولعان جانە بۇعان دەيىن ول ينسۋلت العان كورىنەدى. كەنگيدو پروۆينتسياسىنىڭ پحەنتحەك قالاسىندا قارتتارعا ارنالعان اۋرۋحانادا تاعى ءبىر ناۋقاس قايتىس بولدى.

63 جاستاعى ەر ادام ۆاكتسينا ەكتىرگەننەن كەيىن ءتورت كۇن وتكەن سوڭ كوز جۇمدى. ناۋقاستىڭ تسەرەبروۆاسكۋليارلىق سىرقاتپەن اۋىرعانى بەلگىلى. پرەپارات قابىلداعاننان كەيىن پنەۆمونيا جانە سەپسيس بەلگىلەرى تىركەلگەن.  قازىر جەرگىلىكتى بيلىك AstraZeneca پرەپاراتىنىڭ وسى ەكى ادامنىڭ ولىمىنە سەبەپشى بولعان-بولماعانىن تەرگەپ جاتىر.  

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار