قازاقستان • 03 ناۋرىز، 2021

ەرالى توعجانوۆ ۆولونتەرلىك ۇيىمدارعا قانداي قولداۋ كورسەتىلەتىنىن ايتتى

7 رەت كورسەتىلدى

ۆولونتەرلەردى قوعامدىق پايدالى جۇمىسقا تارتۋ تەحنولوگيالارىن قامتيتىن نۇسقاۋلىقتار ازىرلەندى. بۇل جايىندا ءماجىلىس دەپۋتاتتارىنىڭ ساۋالىنا وراي قر پرەمەر-ءمينيسترىنىڭ ورىنباسارى ەرالى توعجانوۆتىڭ جاۋابىندا ايتىلعان، دەپ حابارلايدى Egemen.kz

«بۇگىندە اقپارات جانە قوعامدىق دامۋ مينيسترلىگى «ۇلتتىق ۆولونتەرلەر جەلىسى» زاڭدى تۇلعالار بىرلەستىگىمەن بىرگە ۆولونتەرلەردى قوعامدىق پايدالى جۇمىسقا تارتۋ تەحنولوگيالارىن قامتيتىن نۇسقاۋلىقتار مەن ادىستەمەلىك قۇرالدار ازىرلەدى. اتالعان نۇسقاۋلىقتار بارلىق وڭىرلەرگە جولدانىپ، وڭىرلىك فرونت-وفيستەرگە پايدالانۋ ءۇشىن تاراتىلدى. سونداي-اق بىرىڭعاي qazvolunteer.kz پلاتفورماسىندا ورنالاستىرىلدى. بۇگىندە پلاتفورمادا 47 مىڭعا جۋىق ۆولونتەر، 3 200-دەن استام ۆولونتەرلىك ۇيىم رەسمي تۇردە تىركەلىپ، 1 000-نان استام جوبانى جۇزەگە اسىرۋعا مۇمكىندىك الىپ وتىر»، دەدى ەرالى توعجانوۆ.

بۇدان بولەك، ۆيتسە-پرەمەردىڭ ايتۋىنشا، ازىرلەنىپ جاتقان ۆولونتەرلىكتى دامىتۋدىڭ 2021-2023 جىلدارعا ارنالعان جول كارتاسىندا توتەنشە جاعداي كەزىندە جانە الەۋمەتتىك باعىتتاعى جۇمىستارعا حالىقتى ەرىكتى قىزمەتكە جۇمىلدىرۋ ماقساتىندا SMS حابارلاما تاراتۋ جۇيەسىن ەنگىزۋ، Telegram جەلىسىندە ارنايى بوت-كانال اشۋ ماسەلەلەرى قاراستىرىلعان.

«قولدانىستاعى «ۆولونتەرلىك قىزمەت تۋرالى» قازاقستان رەسپۋبليكاسى زاڭىنىڭ 12-بابىنىڭ 6-تارماعىنا سايكەس، ۆولونتەر ۆولونتەرلىك قىزمەتتى ۇيىمداستىرۋشىدان جانە ۆولونتەرلىك ۇيىمنان ۇسىنىم حاتتار الۋعا قۇقىلى. ازىرلەنىپ جاتقان زاڭ جوباسى (ۆولونتەرلىك قىزمەت پەن قايىرىمدىلىقتى قولداۋ تەتىكتەرىن جەتىلدىرۋگە باعىتتالعان زاڭ جوباسى) اياسىندا وسى نورمانىڭ مازمۇنىن ۆولونتەرلىك ۇيىمنىڭ ۆولونتەرگە ۇسىنىم حات بەرۋ مىندەتىمەن تولىقتىرۋ كوزدەلىپ وتىر. سونىمەن قاتار جول كارتاسى اياسىندا ۆولونتەرلىك ۇيىمدار باستامالارىن مەملەكەتتىك الەۋمەتتىك تاپسىرىس جانە مەملەكەتتىك گرانتتار نەگىزىندە جۇيەلى قولداۋ، بيزنەس وكىلدەرى مەن جەكە تۇلعالاردىڭ ۆولونتەرلىك جوبالارعا قاتىسۋىن ىنتالاندىرۋ، وسى سالاداعى حالىقارالىق ىنتىماقتاستىقتى كەڭەيتۋ جوسپارلانىپ وتىر. جالپى جۇرگىزىلىپ جاتقان جۇمىستار ەلىمىزدەگى ۆولونتەرلىك قوزعالىستىڭ دامۋىنا وڭ ىقپالىن تيگىزەتىن بولادى»، دەدى ۇكىمەت باسشىسىنىڭ ورىنباسارى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار