تەاتر • 03 ناۋرىز، 2021

قازاق ءۆالسىنىڭ كورولى

50 رەت كورسەتىلدى

نۇر-سۇلتان قالاسى اكىمدىگىنىڭ مۋزىكالىق جاس كورەرمەن تەاترى سۇيىكتى كورەرمەندەرىنىڭ نازارىنا جاڭا پرەمەرانى تارتۋ ەتتى. 1 ناۋرىز كۇنى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ءشامشى قالداياقوۆتىڭ ءومىرى مەن شىعارما­شىلىعىنان كورىنىس بەرەتىن ء«شامشى» ميۋزيكلىنىڭ پرەمەراسى ءوتتى. اۆتورى – مادينا وماروۆا، قويۋشى رەجيسسەرى – قازاقستاننىڭ ەڭبەك سىڭىرگەن قايراتكەرى اسحات ماەميروۆ، رەجيسسەردىڭ اسسيستەنتى – مەكان دجۋماباەۆ.

قويىلىمنىڭ تۇساۋكەسەرى العىس ايتۋ كۇنىمەن تۇس­پا-تۇس كەل­گەندىكتەن تەاتر ۇجىمى قو­عام­­دا پايدالى ءارى يگى ىسپەن اينا­لىسىپ جۇرگەن ۆولونتەرلەردىڭ ەڭبەگىن ەلەۋدى ءجون كوردى. ولارعا العىس ءبىلدىرۋ ماقساتىندا سپەكتاكلگە 30-عا جۋىق جاس ەرىكتى ارنايى شاقىرىلدى. تەاتر ديرەكتورى، قازاقستاننىڭ ەڭبەك سىڭىرگەن قايراتكەرى اسحات ماەميروۆ: «قيىن كەزەڭدە كومەك بەرىپ، مەم­لە­كەتتىڭ كوتەرىپ جاتقان ۇلكەن جۇ­گىنە ارالاسىپ، تەڭىزگە تامعان تام­شىداي بولسا دا، ۇلكەن ەڭبەك ەتكەن­دەرىڭىز ءۇشىن مىڭ راحمەت»، دەپ پرەمەرانى العىسپەن باس­تادى.

قويىلىم بەلگىلى تۇلعانىڭ كۇ­رەسكەرلىك، عاشىقتىق جانە كوم­پوزيتورلىق قىرلارىن تانى­تادى. ناقتىراق ايتقاندا، كۇ­رەسكەر ءشامشىنىڭ ءرولىن امان عۇ­ماروۆ، كومپوزيتور ءشامشىنىڭ ءرولىن سۇلتان كەڭشىلىك، عاشىق ءشامشىنىڭ ءرولىن سالامات مۇقا­شەۆ سومدادى. ءۇش اكتەر ساحنا الدىندا كومپوزيتوردىڭ ءومىر جو­لىندا كەزىككەن قيىندىقتارىن، ادام مەن قوعامعا دەگەن فيلوسوفياسىن، ىشكى جان دۇنيەسىندەگى تولقىعان سەزىم يىرىمدەرىن، عا­شىق­تىق سىرلارىن اۋەزدى اندەر ار­قىلى كورەرمەندەرگە جەتكىزە ءبىلدى. سونىمەن قاتار قوناقتار ميۋزيكلدە مۇقاعالي ماقاتاەۆ، روزا باعلانوۆا، ءابىلاحات ەسپاەۆ، تولەگەن ايبەرگەنوۆ، جۇمەكەن ناجىمەدەنوۆ، اقان سەرى سىندى تۇلعالاردىڭ بەينەلەرىن كەز­دەس­تىرىپ، ولار ءشامشىنىڭ ونەرىن قالاي قولداپ، شىڭدالا تۇسۋىنە قانداي سەپتىگىن تيگىزگەندەرىنە كۋا بولدى.

مۋزىكالىق جاس كورەرمەن ­تەاترى ء«شامشى» ميۋزيكلى ارقى­لى ونەر جولىنا قىزىعۋشىلىق­پەن قارايتىن دارىندى جاسوسپىرىم­­دەر مەن بالالاردىڭ قيالىن قوز­عاپ، ولاردى ونەرگە قىزىقتىرىپ، قا­ناتتاندىردى. قويىلىمدى تاما­شالاعان جاس كورەرمەن شامشى­گە قاراپ، ونىڭ شىعارماشىلىعى­نا زەر سالىپ، كۇردەلى ءومىر جولىن­داعى كيەلى ونەردىڭ با­عاسى ادامزات عۇمىرىن ارناۋعا تۇراتىنداي قۇدىرەتتى دە تازا ەكەن­دىگىنە كوز جەتكىزدى.

ەرقانات تاشەن «استانا جاس­تارى» ۇيىمىندا ۆولونتەرلىكپەن اينالىسىپ كەلگەنىنە ەكى جىلدان استى. ول قويىلىمنان العان اسەرى ەرەكشە ەكەنىن جەتكىزدى.

– ەكى جىلدان بەرى وسى ۆولون­تەرلىك ىسپەن اينالىسامىن. ال­عاش­قىدا ەكولوگياعا بايلانىس­تى ۇيىمدارعا باردىم. ويتكەنى كوكتەم ايلارىندا، قار ەرىگەندە جەردىڭ بەتىنەن تۇرمىستىق قال­دىق زاتتاردان كوزىمىزدى ارىلتا المايمىز. بۇل تابيعاتقا ۇلكەن زيان اكەلەدى. وسىدان كەيىن مەن تۇرعىندارعا ۇيدەن شىققان قال­دىقتى سۇرىپتاپ، ولاردى ارنايى ىدىستارعا سالۋدى جانە جيناۋ­دى ناسيحاتتايمىن،  – دەي­دى ە.تاشەن.

الەمدى ابىگەرگە سالعان پاندەميا كەزىندە بەلسەندى ازاماتتىق ۇستانىمدارى جوعارى ەرىكتىلەر قوعامعا ايتارلىقتاي سەپتىگىن تيگىزگەن. ەلى­مىزدە ءوز ەركى­مەن قو­عامعا پايداسىن تيگىزۋدى كوزدەيتىن ەرىكتىلەردىڭ قاتارى جىل ساناپ ارتىپ كەلەدى.

تەاترداعى كامەرالىق ور­كەس­تر­­دىڭ سۇيەمەلدەۋىمەن وتكەن سپەك­تاكلدە كومپوزيتوردىڭ 15-كە جۋىق ءانى ورىندالدى. «جان اعا»، «ارىس جاعاسىندا»، ء«انىم سەن ەدىڭ»، «قايىقتا»، ء«ومىر وزەن»، «باقىت قۇشاعىندا»، «ساعى­نىشىم مەنىڭ»، «قۋانىش ءۆالسى»، «اق ماڭدايلىم»، «سى­عان ءانى»، «اقان سەرى»، «انا تۋ­رالى جىر» جانە وزگە دە ان­دەرى كورەرمەن كوڭى­لىن باۋراپ، جۇرەك تۇكپىرىندەگى مەيىرىمى مەن ماحابباتىن وياتا ءتۇستى. قالا تۇر­عىندارى مەن قو­ناق­تارى ء«شام­شى» ميۋزيكلىن 3 ناۋرىز كۇنى تاماشالاي الادى.

 

سوڭعى جاڭالىقتار

ۇقساس جاڭالىقتار