تاعايىنداۋ • 02 ناۋرىز، 2021

اقتوبە وبلىسىنىڭ تەمىر اۋدانىنا اكىم تاعايىندالدى

18 رەت كورسەتىلدى

اقتوبە وبلىسى، تەمىر اۋدانىنىڭ اكىمى بولىپ سالامات امانباەۆ تاعايىندالدى.

وڭداسىن ءورازاليننىڭ وكىمىمەن تەمىر اۋدانى اكىمى بولىپ سالامات امانباەۆ تاعايىندالدى. ول الماتى حالىق شارۋاشىلىعى ينستيتۋتىنىڭ، ماسكەۋ مەملەكەتتىك زاڭ اكادەمياسىنىڭ تۇلەگى.

ەڭبەك جولىن مۇعالجار اۋداندىق قارجى ءبولىمىنىڭ مەملەكەتتىك كىرىستەر بويىنشا اعا ەكونوميستى قازمەتىنەن باستاعان. ءار جىلدارى اقتوبە وبلىسىنىڭ سالىق ورگاندارىندا جۇمىس ىستەپ، اقتوبە وبلىسى بويىنشا ەڭبەك جانە حالىقتى الەۋمەتتىك قورعاۋ دەپارتامەنتىنىڭ باسشىسى، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ توراعاسى بولدى.

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، حالىقتى الەۋمەتتىك قورعاۋ جانە كوشى-قون كوميتەتىنىڭ دەپارتامەنتىن باسقاردى. جاڭا قىزمەتكە تاعايىندالعانعا دەيىن اقتوبە وبلىسىنىڭ ەڭبەك ينسپەكتسياسى جونىندەگى باسقارمانىڭ باسشىسى بولدى. ايتا كەتەيىك، بۇعان دەيىن وڭىردە مارتوك اۋدانىنىڭ اكىمى بولىپ الماس سالىقباەۆ جانە وبلىس اكىمىنىڭ ورىنباسارى بولىپ ەرمەك كەنجاحان ۇلى تاعايىندالدى.



سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار