ايماقتار • 02 ناۋرىز، 2021

اقتوبەدە يەسىز ينجەنەرلىك جەلىلەر كوممۋنالدىق مەنشىككە بەرىلەدى

34 رەت كورسەتىلدى

اقتوبە قالاسى مەن اۋداندارىنداعى بۇرىنعى كوممۋنالدىق مەنشىكتىڭ يەسىز قالعان  گاز، سۋ  تاسىمالداۋشى جانە  تاراتۋشى جەلىلەرى  تابيعي مونوپوليالار سۋبەكتىلەرىنىڭ قاراماعىنا سەنىمگەرلىك باسقارۋ بويىنشا بەرىلەدى دەپ حابارلايدى Egemen.kz.

يەسىز ينجەنەرلىك  نىساندار مەن جابدىقتاردى تابيعي مونوپوليالار سۋبەكتىلەرىنە سەنىمگەرلىك باسقارۋعا بەرۋدىڭ جول كارتاسىنا سايكەس وبلىستىق ەنەرگەتيكا جانە تۇرعىن ءۇي شارۋاشىلىعى باسقارماسى قاراۋسىز قۇبىرلار مەن قۇدىقتاردىڭ، ەلەكتر جابدىقتارىنىڭ ءتىزىمىن جاساۋدى باستادى. وبلىس اكىمى وڭداسىن ورازالين ەڭ الدىمەن  اقتوبە قالاسىنىڭ توڭىرەگىندەگى 338 باۋ-باقشا ۇجىمىنىڭ كوممۋنالدىق جەلىلەرىن  تۇگەندەۋدى جەدەلدەتۋدى تاپسىردى.

قازىرگى ۋاقىتتا وبلىستاعى كوممۋنالدىق جەلىلەردىڭ ۇزىندىعى 10 690،4 شاقىرىمدى قۇراسا، تابيعي مونوپوليالار نىساندارىنىڭ مەنشىگىندە 2 182،5 كم گاز، 3 505،3 كم سۋمەن جابدىقتاۋ جەلىلەرى، 3 883،6 كم ەلەكتر جەلىسى بار.  قازىرگى ۋاقىتتا مەنشىك قۇقىعى انىقتالماعان ينجەنەرلىك جەلىلەردىڭ ىشىندە  تابيعي مونوپوليالار سۋبەكتىلەرىنە بەرىلەتىنى 5 220،4 شاقىرىم بولسا، وسى كۇنگە دەيىن ەشبىر مەنشىككە بەرىلمەي يەسىز جاتقان ينجەنەرلىك جەلىلەردىڭ ۇزىندىعى 135،2 شاقىرىم، سونىڭ ىشىندە جىلۋ جەلىسى 7،5 شاقىرىم، ەلەكتر جەلىسى 127،7 شاقىرىم جانە ترانسفورماتورلى قوسالقى ستانسا 22 بىرلىكتى قۇرايدى.

اقتوبە قالاسىندا يەسىز قالعان جەلىلەردىڭ باسىم بولىگى  باۋ-باقشا ۇجىمدارىنا تيەسىلى بولىپ وتىر. ەشبىر ساناتقا ەنگىزىلمەگەندىكتەن قۇبىرلاردىڭ قازىرگى جاعدايى، ولاردى كىمدەردىڭ پايدالانىپ جاتقانى تۋرالى تولىق اقپارات الۋ مۇمكىن ەمەس.  قالالىق اكىمدىك قىزمەتكەرلەرى  «باتىس –1»  جانە «باتىس –2» ىقشام اۋداندارىنداعى 64،1 شاقىرىم گاز، 45،6 شاقىرىم سۋ، 50،3 شاقىرىم سۋ تارتۋ، 53،6 شاقىرىم ەلەكتر جەلىلەرىن تەكسەرىپ شىقتى. كوكتەم شىعا  باۋ-باقشا ۇجىمدارىنداعى قۇبىرلار مەن جەلىلەردى تۇگەندەۋ جۇمىستارى قايتا باستالىپ، جازعا دەيىن اياقتالۋى ءتيىس. 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار