باسقارما وكىلدەرىنىڭ ايتۋىنشا, ازىرگە بۇل جايلى بۇيرىق شىقپاعان.
«ەپيدەميالىق احۋالدىڭ جاقسارۋىنا بايلانىستى قازاقستاندا مەكتەپتەردە ارالاس وقۋ فورماتى ەنگىزىلەدى. ال الماتى بويىنشا ءبىز قالالىق باس سانيتار دارىگەردىڭ رەسمي قاۋلىسىن كۇتىپ وتىرمىز. مەكتەپتەر دايىندالىپ جاتىر. جاڭا قاۋلى شىققان جاعدايدا 1-5 سىنىپ وقۋشىلارى ارالاس وقۋ فورماتىنا كوشەدى. كەزەكشى سىنىپتا وقىپ جاتقان وقۋشىلار ءوز سىنىبىنا ورالادى», دەيدى بوستاندىق اۋداندىق ءبىلىم ءبولىمى باسشىسىنىڭ مىندەتىن اتقارۋشى باقىتبەك قالجانوۆ.
سونىمەن قاتار, اتا-انالارعا تاڭداۋ ەركى بەرىلگەن. ولار بالالارىن مەكتەپكە جىبەرۋگە دە, جىبەرمەۋگە دە قۇقىلى.
«اتا-انالار بالالاردى الەۋمەتتىك قاشىقتىقتى ساقتاۋعا, جەكە گيگيەنا تالاپتارىن ساقتاۋعا ۇيرەتۋى ءتيىس», دەيدى باقىتبەك قالجانوۆ.
