شەشۋشى ويىندا قوشقارباەۆ كوشەسىندەگى كلۋبتىڭ فيليالىنان «التاير», ش.قۇدايبەردى ۇلى كوشەسىندەگى فيليالدىڭ «بۇركىت», سونداي-اق اباي كوشەسىندەگى كلۋبقا باراتىن «تايفۋن» كوماندالارى كەزدەستى.
ءبىرىنشى ورىندى «تايفۋن» كومانداسى يەلەندى. كوماندالار كۋبوكپەن جانە مەدالدارمەن ماراپاتتالدى. «تايفۋن» كومانداسىنىڭ قاتىسۋشىلارى بارلىق جاتتىقتىرۋشىلارعا شىدامدىلىقتارى ءۇشىن, جاڭادان كەلگەن حوككەيشىدەن باستاپ اۋلا حوككەي ليگاسىنىڭ جەڭىمپازىنا دەيىن جەتۋلەرىندە قولداۋ كورسەتكەندەرى العىس ايتتى. سونداي-اق, قر-داعى اقش ەلشىلىگىنىڭ وكىلى ءاربىر قاتىسۋشىعا سىيلىقتار تابىس ەتتى.
اۋلا حوككەي ليگاسى 5 جىلدان بەرى جۇمىس ىستەپ كەلەدى, وسى ۋاقىت ارالىعىندا ءوزىن جاس سپورتشىلار ءۇشىن بەدەلدى جارىستاردىڭ ءبىرى رەتىندە كورسەتە ءبىلدى. شارانىڭ ماقساتى - نۇر-سۇلتان قالاسىنىڭ تۇرعىن ءۇي الاپتارىندا, سونداي-اق مەكتەپتىڭ سپورت الاڭدارىندا ورنالاسقان سپورت كورتتارى بازاسىندا بالالار مەن جاسوسپىرىمدەر اراسىندا اۋلا حوككەيىن جاڭعىرتۋ جانە دامىتۋ.
«زامانداس» وتباسىلىق اۋلا كلۋبىنىڭ تاربيەلەنۋشىلەرى اراسىندا اۋلا حوككەي ليگاسىنىڭ حوككەي كوماندالارىنىڭ تۋرنيرلەرى بەس جىل بويى وتكىزىلىپ كەلەدى. ءىس-شارالار باس سەرىكتەس – «Samruk-Kazyna Trust» الەۋمەتتىك جوبالاردى دامىتۋ قورىنىڭ, نۇر-سۇلتان قالاسى اكىمدىگىنىڭ, قازاقستان حوككەي فەدەراتسياسىنىڭ, سونداي-اق قازاقستانداعى اقش پەن كانادا ەلشىلىكتەرىنىڭ قولداۋىمەن وتەدى.
«حوككەي ليگاسىن وتكىزگەن العاشقى جىلى «زامانداس» وتباسىلىق اۋلا كلۋبىنىڭ بالالارى مەن جاسوسپىرىمدەرى مەن نۇر-سۇلتان قالاسى مەكتەپتەرىنىڭ وقۋشىلارى اراسىندا جوعارى قىزىعۋشىلىققا يە بولدى. قوعامداعى رەزونانس بۇل جوبانى دامىتۋ قاجەت ەكەنىن كورسەتەدى. سوندىقتان ءبىز كلۋبتارداعى حوككەي سەكتسيالارىن قولدايمىز, وندا بالالار وسى قىزىقتى جانە كۇردەلى ويىننىڭ نەگىزدەرىن تەگىن نەگىزدە ۇيرەنۋدە, ول توزىمدىلىك پەن تەمىر ءتارتىپتى تالاپ ەتەدى», - دەيدى «زامانداس 21» قق ديرەكتورى ءلاززات الشىنوۆا.
بۇگىنگى تاڭدا كلۋبتا 5 كوماندا بار, ولاردىڭ قۇرامىندا 15-20 بالا وينايدى, ولار «زامانداس» وتباسىلىق اۋلا كلۋبىنىڭ ءتورت فيليالىندا جاتتىعادى. ەڭ بەلسەندى بالالار اۋلا كلۋبتارى جانىنداعى حوككەي سەكتسيالارىنداعى ساباقتاردان كەيىن ەلوردانىڭ كاسىبي كلۋبتارىنا وتۋگە مۇمكىندىك الا الادى.
بۇقارالىق سپورتتى دامىتۋ قر پرەزيدەنتى قاسىم-جومارت توقاەۆتىڭ جولداۋىندا سپورت سالاسىنىڭ الدىنا قويىلعان باسىم مىندەتتەردىڭ ءبىرى بولىپ تابىلاتىنىن اتاپ وتكەن ءجون.
ايتا كەتەيىك, «زامانداس 21» قق «زامانداس» وتباسىلىق اۋلا كلۋبتارىن 2014 جىلى «بالالاردىڭ مۇددەسى ءۇشىن قوزعالىس» جوباسى اياسىندا قۇرعان بولاتىن.
بۇگىندە بۇل نۇر-سۇلتاننىڭ ءارتۇرلى نۇكتەلەرىندە ورنالاسقان 5 كلۋب, ولارعا حالىقتىڭ الەۋمەتتىك وسال توپتارىنان 2 300-دەن استام بالا بارادى. ولار قوسىمشا ءبىلىم الادى, تىلدەردى ۇيرەنەدى, سپورت سەكتسيالارى مەن شىعارماشىلىق ۇيىرمەلەرگە قاتىسادى.
كلۋبتاردىڭ جۇمىسىن «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى قولدايدى. كلۋبتاردا 20-دان استام سەكتسيالار مەن ۇيىرمەلەر بار, سونىڭ ىشىندە فۋتبول/حوككەي, ارت-تەراپيا, ۆوكال, اكتەرلىك شەبەرلىك جانە باسقالار.
