ءىس-شاراعا قاتىسقان اتىراۋ وبلىسىنىڭ اكىمى ماحامبەت دوسمۇحامبەتوۆ اتىراۋلىقتاردى قايىرىمدىلىق مارافونىنا اتسالىسۋعا شاقىردى.
«وتكەن جىل كۇللى الەم ءۇشىن دە, ەلىمىز ءۇشىن دە كۇردەلى سىناقتارعا تولى بولدى. ەلىمىزدە جاريالانعان توتەنشە جاعداي, كارانتيندىك شەكتەۋ كەزىندە اتىراۋلىقتار دا قايىرىمدىلىقتىڭ جارقىن ۇلگىسىن كورسەتتى. ولاردىڭ اراسىندا كومپانيالاار, مەديتسينا مەن الەۋمەتتىك سالا قىزمەتكەرلەرى, قۇقىق قورعاۋ ورگانىنىڭ وكىلدەرى, ەرىكتىلەر, مەتسەناتتار, سونداي-اق, مۇعالىمدەر بار. قايىرىمدىلىق مارافونىنا دا سونداي بەلسەندىلىك تانىتۋعا شاقىرامىن» دەدى محامبەت دوسمۇحامبەتوۆ.
قايىرىمدىلىق مارافونىندا اتىراۋ قالاسى مەن اۋدانداردا جەرگىلىكتى كاسىپكەرلەر ارقىلى از قامتىلعان 700 وتباسىنى جىلدىق ازىق-ت ۇلىكپەن قامتاماسىز ەتۋ ءۇشىن العاشقى سەرتيفيكاتتار تابىس ەتىلدى. ال ونداعان جىل ءبىر بولمەلى پاتەردە تۇرىپ كەلگەن جەتى بالالى وتباسىعا اتىراۋ قالاسىنان 2 بولمەلى پاتەردىڭ كىلتى بەرىلدى.
سوندي-اق, «اتىراۋ وبلىسىنىڭ ىسكەر ايەلدەرى» قاۋىمداستىعىنىڭ ءتورايىمى گۇلجان مۇحاتاەۆا ەكى ءجاسوسپىرىمنىڭ ەمىنە جانە مۇمكىندىگى شەكتەۋلى مەديتسينا قىزمەتكەرىنە قارجىلاي سەرتيفيكاتتار تابىستادى. ال, وبلىستىق ىشكى ساياسات باسقارماسىنىڭ ۇجىمى وبلىستىق بالالار اۋرۋحاناسىندا ونكولوگيالىق سىرقاتپەن ەمدەلەتىن بالالار ءۇشىن 5 دانا پلانشەت تابىس ەتتى.
