وسىنداي العىس العان جانداردىڭ ءبىرى - شلەكەنوۆ مۋحامەديار. مەكەمە قىزمەتكەرلەرى ارداگەردىڭ ۇيىنە ارنايى بارىپ 1 ناۋرىز «العىس ايتۋ كۇنىمەن» قۇتتىقتادى, ەستەلىك سىيلىقتار تابىستادى. سونىمەن قاتار, ارداگەرمەن اڭگىمە-سۇحبات قۇرىپ, ونىڭ ەڭبەك ەتكەن جىلدارىنداعى قىزىقتى وقيعالارىمەن ءبولىستى, وزدەرىنىڭ داعدىسىن شىڭداۋ ءۇشىن وزىق تاجىريبەلەرىنەن ءىلىم الدى.
ارداگەر اتامىز العىس ايتۋ كۇنىنىنڭ تاريحىنان سىر شەرتىپ, كەشەگى قيلى زاماندا قازاق حالقى تاعدىردىڭ جازۋىمەن ەلگە كەلگەن وزگە ەتنوس وكىلدەرىنە كەڭ قۇشاق جايىپ, باۋىرىنا تارتقانى, ءبىر ءۇزىم نانىن بولىسكەنى تۋرالى قىزمەتكەرلەرگە بايانداپ بەردى. اتالمىش مەرەكەنىڭ باستى ماقساتىنىڭ ءبىرى – وسكەلەڭ ۇرپاقتى دوستىققا, ءبىر-بىرىنە دەگەن قۇرمەت پەن تولەرانتتىلىققا, وتانسۇيگىشتىككە تاربيەلەۋ, قازاقستاندا ەتنوسارالىق كەلىسىم مەن ۇلتارالىق قارىم-قاتىناستى نىعايتۋ ەكەنىن اتاپ ءوتتى.
اڭگىمەدەن سوڭ قىزمەتكەرلەر ارداگەرمەن بىرگە ەستەلىك سۋرەتكە ءتۇسىپ, ءومىر جاسىنىڭ ۇزاق بولۋىن, بۇگىنگى مەرەكەمەن شەكتەلمەي, الداعى مەرەكە كۇندەرى دە مىندەتتى تۇردە وسى شاڭىراققا ات باسىن بۇرىپ كەلىپ تۇراتىنىن, سونداي-اق قىزمەت بارىسىندا قيىندىقتار تۋىنداعان كەزدەردە اقىل-كەڭەستەر الۋعا كەلەتىتىن ايتىپ, جىلى لەبىزدەرىن ءبىلدىردى.
