روتالاردىڭ ۇيلەسىمدىلىگى جونىندەگى شارالاردىڭ بارىسى, قۇقىقتىق جانە اسكەري ءتارتىپ, سانيتارلىق-ەپيدەميولوگيالىق جاعداي جونىندە باياندامالار تىڭدالدى.
سيپاتى مەن اۋقىمى ءار ءتۇرلى وقۋ-جاتتىعۋلار قارساڭىندا قورعانىس ۆەدومستۆوسىنىڭ باسشىسى اسكەرلەردى وقىتۋ بارىسىندا قازىرگى زامانعى قارۋلى قاقتىعىستار تاجىريبەسىن زەرتتەي وتىرىپ, ءىس-قيمىلداردىڭ جاڭا نىساندارى مەن ادىستەردى قولدانۋدى تاپسىردى. دالدىگى جوعارى قارۋدان قورعانۋعا, راديوەلەكتروندى كۇرەس پەن اۋە شابۋىلىنا قارسى قورعانىس قۇرالدارىن, سونداي-اق بارلاۋ قۇرالدارى مەن بارلاۋ-سوققى بەرۋ جۇيەسىندەگى اتىس شابۋىلى جانە بارلاۋ-قارسى وق اتۋ دايارلىعى كەشەندى ءوزارا ءىس-قيمىلىن ءتيىمدى پايدالانۋعا باستى نازار اۋدارىلۋى ءتيىس ەكەندىگى اتالىپ ءوتتى.
وقۋ-جاتتىعۋلار بارىسىندا جاعدايدى ءارى قاراي ورىستەتۋ, كەنەتتەن پايدا بولعان قاۋىپ-قاتەرگە توتەپ بەرۋ, قارۋ-جاراق پەن اسكەري تەحنيكانىڭ جاڭا ەلەمەنتتەرىن ىسكە قوسۋ قاجەتتىلىگى ايتىلدى.
اۋە شابۋىلىنا قارسى قورعانىس اسكەرلەرىن ءارى قاراي دامىتۋ جونىندە جەكە تاپسىرمالار بەرىلدى. قازىرگى جاعدايدا بۇل توقتاۋسىز قىزمەت اتقاراتىن, قارسىلاستىڭ اۋە شابۋىلىندا قولداناتىن بارلىق قۇرالدارىنا, ونىڭ ىشىندە, شاعىن درونداردان باستاپ بالليستيكالىق, قاناتتى زىمىراندارعا جانە اەروديناميكالىق نىساندارعا دەيىن قارسى توتەپ بەرەتىن جۇيەگە اينالۋى ءتيىس.
اسكەري-قولدانبالى سپورت تۇرلەرىنىڭ ماڭىزى اتاپ ءوتىلدى. وتكەن اپتادا قارۋلى كۇشتەردە بىرىڭعاي سپورت كۇنى, قر قك اراسىندا ارميالىق قويان-قولتىق كۇرەس بويىنشا چەمپيونات اياقتالدى. ال سامبودان وتكەن ەل چەمپيوناتىندا ورتالىق سپورت كلۋبىنىڭ سامبوشىلارى ءار ءتۇرلى دارەجەدەگى 6 مەدالگە يە بولدى. قورعانىس ءمينيسترى نۇسقاۋ بەرۋ-ادىستەمەلىك ساباقتارىن, اسكەرلەردە جەكە قۇرامعا بارىنشا دايىندالعان ارميا سپورتشىلارىنىڭ شەبەرلىك ساباقتارىن وتكىزۋدى تاپسىردى. بۇل اسكەردە سپورتتى كەڭىنەن ناسيحاتتاۋ مەن اسكەريلەردى دايارلاۋ بارىسىندا جاڭاشىلدىقتىڭ جاۋىنگەرلەردى دايارلاۋدى جەتىلدىرۋ ادىستەمەسىنىڭ كەپىلى بولماق.
گارنيزونداردا اسكەري پوليتسيا قىزمەتكەرلەرىمەن وتكىزىلگەن «توقتا جانە سويلەس» اكتسياسى نازارعا الىندى. اكتسيا بارىسىندا اسكەري قىزمەتشىلەرمەن جەكە جانە توپتىق اڭگىمەلەسۋ ۇيىمداستىرىلىپ, اسكەري بولىمدەردە قىزمەتتىك جانە قارجى-شارۋاشىلىق جاعداي قاراستىرىلدى. ءار ءتۇرلى قۇقىقبۇزۋشىلىقتىڭ الدىن-الۋ شارالارى وتكىزىلىپ, ءبولىم كومانديرلەرى مەن جاۋاپتى تۇلعالارعا زاڭعا قارسى ءىس-ارەكەتتەردى بولدىرماۋ جانە سوعان بايلانىستى جاۋاپكەرشىلىك تۋرالى ەسكەرتىلدى. قورعانىس ۆەدومستۆوسىنىڭ باسشىسى اتاپ وتكەندەي, اكتسيا قورىتىندىسى بويىنشا قارۋلى كۇشتەردە جاعىمسىز جاعدايلاردىڭ الدىن-الۋ مەن ازايتۋعا قاتىستى قۇرىلىمدار جاسالۋى ءتيىس.
باس مەديتسينالىق باسقارما باستىعىنىڭ بايانداماسىنا سۇيەنسەك, وتكەن اپتادا قارۋلى كۇشتەردە كوروناۆيرۋس ىندەتپەن جۇقتىرعاندار سانى ەكى ەسەگە, ياعني 47%-عا ازايعان. ىندەت انىقتالعانداردىڭ جارتىسى – اۋرۋ بەلگىسى جوقتار. اسكەردەگى قولايلى سانيتارلىق-ەپيدەميولوگيالىق احۋالدى – جەكە قۇرامنىڭ دەنساۋلىق جاعدايىن ۇدايى باقىلاۋ جانە پتر-تەستىلەۋدى اۋقىمدى جۇرگىزۋ, سىرقاتتانعانداردى ۋاقىتىلى ەمدەۋگە جىبەرۋ جانە بايلانىستا بولعان تۇلعالاردى وقشاۋلاۋ سياقتى كەشەندى شارالار ارقىلى قامتاماسىز ەتەدى.
