ايماقتار • 01 ناۋرىز، 2021

قىزىلوردا وبلىسىندا كارانتين شارالارى جەڭىلدەتىلدى

60 رەت كورسەتىلدى

قىزىلوردا وبلىسىندا كارانتين شارالارى جەڭىلدەتىلدى. اس بەرۋ جانە سپورت شارالارىن وتكىزۋگە رۇقسات بەرىلدى. وندا 50 ادامنان ارتىق بولماۋى ءتيىس.

سونداي-اق، بيليارد كلۋبى مەن بالالاردىڭ ويىن-ساۋىق ورتالىقتارىنىڭ جۇمىس ىستەۋىنە رۇقسات ەتىلدى.

«بۇگىننەن باستاپ 1-5، حالىقارالىق مەكتەپتەردە 1-7 سىنىپ وقۋشىلارى ارالاس وقۋ فورماتىندا وقيدى. ناقتىراق ايتقاندا، پاندەردى 70 پايىز ءداستۇرلى، 30 پايىز قاشىقتان وقيدى. ال، بالا سانى 300-دەن اسپايتىن قالا جانە اۋىل مەكتەپتەرىندەگى بارلىق سىنىپ وقۋشىلارى مەكتەپكە بارىپ وقيدى. سونداي-اق، 9، 11 سىنىپتىڭ وقۋشىلارى الەۋمەتتىك ارا-قاشىقتىق ساقتاي وتىرىپ وقۋدى ارالاس تۇردە وقۋدا»، دەدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ مىندەتىن اتقارۋشى ءاليا ابدىقايىموۆا.

وعان قوسا ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 5 ادامنان اسپايتىن توپتاردا وقۋشىلاردى جەكە وقىتۋعا رۇقسات بار. ايتا كەتەتىن جايت، شەكتەۋلەر جەڭىلدەگەنىمەن بوسانسۋعا بولمايدى. وبلىستا مەرەكەلىك كورپوراتيۆتەردى ۇيىمداستىرۋ مەن وتكىزۋگە، بۋكمەكەرلىك كەڭسەلەردىڭ قىزمەتىنە تىيىم سالۋ جالعاسادى.

ەسكە سالا كەتەلىك، قىزىلوردادا 440 ادام كوروناۆيرۋسقا قارسى ەكىنشى مارتە ۆاكتسينا سالدىردى.



سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار