الەم • 01 ناۋرىز، 2021

فرانتسيانىڭ ەكس-پرەزيدەنتى تۇرمەگە توعىتىلدى

15 رەت كورسەتىلدى

فرانتسيا سوتى ەلدىڭ بۇرىنعى پرەزيدەنتى نيكوليا ساركوزيدى سىبايلاس جەمقورلىققا جانە سۋدياعا پارا بەرۋگە ارەكەت جاساعانى ءۇشىن كىنالى دەپ تاپتى. وعان ءۇش جىلعا باس بوستاندىعىنان ايىرۋ جازاسى كەسىلدى، بىراق ونىڭ ەكى جىلىن شارتتى تۇردە وتەيتىن بولدى.

ساركوزي وزىنە تاعىلعان ايىپتاۋلاردى جوققا شىعاردى جانە بۇل «ساياسي وپپونەنتتەردىڭ قۋدالاۋى» دەپ سانايدى. وسى ۋاقىتقا دەيىن فرانتسيا پرەزيدەنتتەرىنىڭ بىرەۋى عانا وكىلەتتىگى اياقتالعاننان كەيىن ءبىر رەت سوتتالدى، بىراق ونىڭ وزىندە ول تۇرمەدە وتىرعان ەمەس.

تەرگەۋشىلەر الدىمەن - 2007 جانە 2012 جىلدارداعى ەكى سايلاۋ ناۋقانىن قارجىلاندىرۋدى مۇقيات تەكسەردى. ساركوزيگە قارسى باسقا دا ايىپتار تاعىلدى، ولار: سىبايلاس جەمقورلىق جانە قىزمەت بابىن اسىرا پايدالانۋ. ايىپتاۋ ساركوزي مەن ونىڭ ادۆوكاتى تيەرري ەرزوگتىڭ تەلەفون ارقىلى سويلەسكەن جازبالارىنا نەگىزدەلگەن، ول ەكس-پرەزيدەنتپەن بىرگە ايىپتالدى.

سوت ءىسىنىڭ تىزبەگى مۇنىمەن بىتپەيدى. جاڭا سوت پروتسەسى ناۋرىزعا جوسپارلانعان، وندا ساركوزي مەن ونىڭ 13 سەرىكتەسى 2012 جىلعى سايلاۋ ناۋقانىن زاڭسىز قارجىلاندىردى دەگەن ايىپتاۋعا جاۋاپ بەرۋى كەرەك.

ساركوزي الاياقتىققا قاتىسى بار دەپ كۇدىككە ىلىنۋدە، ول سايلاۋ ناۋقانى شىعىندارىن زاڭمەن بەلگىلەنگەن ليميتىنەن ەكى ەسە اسىرعان دەپ ايىپتالۋدا.



سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار