وقۋ مەرزىمى - 3 اي. وقۋعا جولدانعان ازاماتتارعا اي سايىن 17 000 تگ شاماسىندا شاكىرتاقى قاراستىرىلعان. وقىتۋ كۋرستارىنا جۇمىسپەن قامتۋ ورتالىعىندا جۇمىسسىز رەتىندە تىركەلگەن 18 جاستان اسقان (ستۋدەنت ەمەس) جانە زەينەت جاسقا دەيىنگى ازاماتتار قاتىسا الادى. وقۋىن تامامداعان ازاماتتارعا بىلىكتىلىك كۋالىكتەرى تابىستالادى. سول قۇجات ارقىلى ازامات مەملەكەتتىك گرانتقا جانە جىلدىق پايىزى 6% -دان اسپايتىن شاعىن نەسيەگە قۇجات وتكىزە الادى.
قىسقا مەرزىمدى كاسىپتىك وقىتۋ توپتاردىڭ جيناقتالۋىنا قاراي جۇزەگە اسىرىلادى. قاتىسۋشىلار قالالىق جۇمىسپەن قامتۋ ورتالىعىنا كەلىپ, قاجەتتى قۇجاتتاردى تاپسىرۋلارى قاجەت. وقۋ كۋرستارىنىڭ العاشقى لەگى ءساۋىر ايىندا باستالعالى وتىر. ناتيجەسىندە 1000-عا تارتا ازامات بەلگىلى ءبىر ماماندىقتى يگەرىپ, ءتىپتى ءوز كاسىبىن دوڭگەلەتە الادى.
مالىمەتكە سۇيەنسەك, بىلتىر 1196 ادام تەحنيكالىق جانە كاسىپتىك وقۋدان وتكەن. قىسقا مەرزىمدى كاسىپتىك وقىتۋدى 2000-عا جۋىق ازامات ءتامامداپ, كۋالىكتەرىن العان. ناتيجەسىندە قىسقا مەرزىمدى كاسىپتىك وقىتۋدان كەيىن 1590 ادام جۇمىسپەن قامتىلدى.
قىسقا مەرزىمدى كاسىپتىك وقىتۋ بويىنشا قوسىمشا اقپاراتتى +7775 053 39 41 بايلانىس ءنومىرى بويىنشا الۋعا بولادى.
