پارلامەنت • 01 ناۋرىز، 2021

سەناتورلار ادۆوكاتتىق قىزمەت جانە زاڭ كومەگى ماسەلەلەرى بويىنشا زاڭ جوباسىن قارايدى

6 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسىنىڭ وتىرىسى ءوتتى. وندا دەپۋتاتتار 2021 جىلعى 4 ناۋرىزدا وتەتىن سەنات وتىرىسىنىڭ كۇن ءتارتىبىن تالقىلادى.

بيۋرو وتىرىسىن اشقان سەنات توراعاسى مەملەكەت باسشىسىنىڭ ۇلتتىق قوعامدىق سەنىم كەڭەسىنىڭ وتىرىسىندا ايتقان زاڭ شىعارۋ باستامالارىنا توقتالىپ، ولاردىڭ ماڭىزدىلىعىنا نازار اۋداردى.

«مەملەكەت باسشىسى ۇلتتىق قوعامدىق سەنىم كەڭەسىنىڭ كەزەكتى وتىرىسىندا قوعامدى الاڭداتىپ وتىرعان بىرقاتار وزەكتى ماسەلەلەرگە توقتالدى. اتاپ ايتقاندا، جەر ماسەلەسىنە نۇكتە قويىلدى. قارالعان بارلىق ماسەلە بويىنشا ءتيىستى تاپسىرمالار بەرىلدى. وسىعان وراي قابىلدانعان شەشىمدەردى زاڭنامالىق تۇرعىدان ۋاقتىلى ءارى ساپالى قامتاماسىز ەتۋ – ءبىزدىڭ باستى مىندەتىمىز. وسى باعىتتاردا ۇكىمەتپەن جانە ماجىلىسپەن بىرلەسىپ، بەلسەندى جۇمىس جۇرگىزۋىمى قاجەت»، – دەدى ماۋلەن اشىمباەۆ.

الداعى پالاتا وتىرىسىندا سەناتورلار «قازاقستان رەسپۋبليكاسى جوعارعى سوتىنىڭ سۋديالارىن قىزمەتتەن بوساتۋ تۋرالى» قازاقستان رەسپۋبليكاسى پرەزيدەتىنىڭ ۇسىنۋىن قارايدى.

سونداي-اق، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا قارالادى.

بۇل قۇجات ادۆوكاتتاردىڭ پروتسەسسۋالدىق قۇزىرەتىن كەڭەيتۋدى كوزدەيدى. سوعان سايكەس ولار مالىمەتتەردى، قۇجاتتاردى، سونداي-اق، ساپالى زاڭ كومەگىن كورسەتۋگە جانە قورعاۋعا قاجەتتى زاتتاردى تالاپ ەتۋگە قۇقىلى بولادى. سونىمەن قاتار سوتتالعاندار مەملەكەت تاراپىنان كەپىلدەندىرىلگەن قۇقىقتىق كومەكتى كەڭەس، انىقتاما، قۇقىقتىق سيپاتتاعى قۇجاتتاردى دايىنداۋ كۇيىندە الۋعا مۇمكىندىك تۋادى.

ودان بولەك، پالاتا وتىرىسىندا سەنات دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ونەركاسىپتىك قاۋىپسىزدىك، يندۋستريالىق ايماقتار، جانۋارلار دۇنيەسى، ەرەكشە قورعالاتىن تابيعي اۋماقتار، ەنەرگەتيكا، تابيعي مونوپوليالار جانە ىشكى ىستەر ورگاندارى قىزمەتكەرلەرىنە تۇرعىن ءۇي تولەمدەرى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلايدى.

اتالعان زاڭ جوباسى قولدانىستاعى ونەركاسىپتىك قاۋىپسىزدىكتى قامتاماسىز ەتۋ جۇيەسىنىڭ تيىمدىلىگىن ارتتىرۋعا جول اشادى. وسى قۇجاتقا سايكەس كاسىبي اپاتتىق-قۇتقارۋ قىزمەتىن اتتەستاتسيالاۋ مىندەتتى بولادى جانە قاۋىپتى ونەركاسىپ نىساندارىنىڭ جاعدايىن وندىرىستىك باقىلاۋ كۇشەيتىلەدى.

بۇدان باسقا، پوليتسيا قىزمەتكەرلەرىنىڭ بەلگىلى ءبىر كاتەگورياسىن باسپانامەن قامتۋدىڭ جاڭا جۇيەسى قولعا الىنادى. بۇعان دەيىن مەملەكەت ولاردىڭ باسپانانى جالعا الۋ قۇنىن وتەپ كەلسە، ەندى تولەمدەر قازىرگى يپوتەكالىق باعدارلامالار اياسىندا ءۇيدى ساتىپ الۋ قۇقىعىمەن جۇرگىزىلەدى.

سەنات وتىرىسىنىڭ كۇن تارتىبىنە «ەۋرازيالىق ەكونوميكالىق وداق شەڭبەرىندە اۋىل شارۋاشىلىعى جانۋارلارىمەن سەلەكتسيالىق-اسىل تۇقىمدىق جۇمىس جۇرگىزۋدى بىرىزدەندىرۋگە باعىتتالعان شارالار تۋرالى كەلىسىمدى راتيفيكاتسيالاۋ تۋرالى» زاڭ جوباسى دا شىعارىلدى.

بۇل كەلىسىم ەاەو ەلدەرى اراسىندا اسىل تۇقىمدى مال شارۋاشىلىعىنىڭ جالپى نارىعىن دامىتادى جانە ءوزارا ساۋدا-ساتتىقتاعى كەدەرگىلەردى جويادى. مۇنىڭ ءبارى وتاندىق اسىل-تۇقىمدى مال شارۋاشىلىعى ونىمدەرىنىڭ باسەكەگە قابىلەتتى بولۋىن قامتاماسىز ەتەدى.

سونداي-اق، سەناتورلار الداعى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا قارايدى.

بيۋرو وتىرىسىندا ماجىلىستەن كەلىپ تۇسكەن زاڭ جوبالارى تۇراقتى كوميتەتتەرگە ءبولىنىپ بەرىلدى.

 

 

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

ۇقساس جاڭالىقتار