ايماقتار • 01 ناۋرىز، 2021

كوپبالالى انا بەلگىسىز كاسىپكەرگە العىس ايتادى

29 رەت كورسەتىلدى

بىرەر اي بۇرىن «ەگەمەننىڭ» الماتى وبلىسىنداعى تىلشىلەر قوسىنىنا كوكسۋ اۋدانى، بالپىق بي كەنتىنىڭ تۇرعىنى، كوپ بالالى انا گۇلزيرا سولتانعازيەۆا حابارلاسقان ەدى. ءبىز وقىرماننىڭ وتىنىشىنە العىس ايتۋ كۇنىنە وراي قايتا ورالۋدى ۇيعاردىق. ويتكەنى، وتاعاسىمەن بىرگە 8 بالا تۋىپ، تاربيەلەپ وتىرعان گۇلزيرا گازەت ارقىلى قايىرىمدىلىق جاساعان بەلگىسىز كاسىپكەرگە ءوزىنىڭ جۇرەكجاردى العىسىن جەتكىزگىسى كەلەدى ەكەن.

- بۇل قۋانىشتى وقيعا 2019 جىلى بولدى. وتباسىمىزعا بالپىق بي كەنتىنەن كەڭ ءۇي بۇيىردى. ءبىز وعان دەيىن پاتەر جالداپ كەلگەنبىز. ءۇي ماسەلەسىنەن اۋدان اكىمدىگى حاباردار بولاتىن. كوپ بالالى اۋلەت رەتىندە قامقورلىق پەن كومەكتەن قۇر قالماساق تا، باسپاناعا قول جەتكىزۋ ارمان ەدى. وسى جىلى ەلىمىزدە كوپ بالالى وتباسىلاردىڭ جاعدايى ءجيى ءسوز بولىپ، بيلىك تە، قالتالى ازاماتتار دا كومەك قولىن سوزا باستادى. ءبىر كۇنى اۋدان اكىمدىگىنەن حابارلاسىپ، جاقىندا باسپانالى بولاتىنمىزدى ايتتى. قۋانىشىمىز قوينىمىزعا سىيماي، ۋادەلى كۇندى كۇتتىك. مەرەيلى ءسات كەلگەندە ءبىزدى ازاماتتار بالپىق بي اۋىلىنىڭ قازىبەك بي كوشەسىنە الىپ كەلىپ، «مىنا ءۇي ەندى سىزدەردىكى...» دەدى. كىشىگىرىم شارا جاسادى. اۋەلى بۇلاي جىلدام بولارىنا سەنبەي، ءبىر ك ۇلىپ، ءبىر جىلاپ ءجۇرمىز. ءۇي 5 بولمەلى، اۋلاسى كەڭ، جەمىس باعى مەن باقشاسى دا بار ەكەن. اكىمدىك وكىلدەرى وسى كەڭ سارايداي ءۇيدى بىزگە ساتىپ الىپ بەرگەن جەكە كاسىپكەر ەكەنىن جانە ول كىسى ءوزىنىڭ اتى-ءجونىن قۇپيا قالدىرۋدى وتىنگەنىن ايتقاندا كوز جاسىما ەرىك بەردىم. ومىردە قانشاما قايىرىمدى جانداردىڭ بارىن بىلسەم دە، ءدال مۇنداي جومارتتىقتى كۇتپەگەن ەدىك. قازىر 8 بالامىزبەن سول ءبىر قايىرىمدى جان سىيلاعان ۇيدە تۇرىپ جاتىرمىز. «وڭ قولىڭنىڭ بەرگەنىن، سول قولىڭ كورمەسىن» دەگەن ءسوز بار عوي، ءبىزدىڭ قامقورشىمىز وسىنى بەرىك ۇستاناتىن پاراساتتى ادام بولسا كەرەك. ءبىز ول كىسىنىڭ جاقسىلىعىن ۇمىتپايمىز، ۇنەمى دۇعا-تىلەگىمىزگە قوسىپ وتىرامىز. اتى-ءجونىن انىقتاۋعا دا ارەكەت ەتپەداىك. ويتكەنى، قايىرىمدى جان مۇنى قالاماسا كەرەك. ال بيىل، اراعا بىرەر جىل سالىپ سىزدەردىڭ گازەت ارقىلى ويىمدى جۇرشىلىقپەن بولىسكىم كەلدى. جەر بەتىندە جاقى ادامدداردىڭ بار ەكەنىن، ولار قيىن كەزدە كومەك قولىن سوزاتىنىنا سەنەمىز. سونداي جۇرەگى كەڭ ازاماتترادىڭ بارىنە مىڭ العىس - دەيدى كوپ بالالى انا گۇلزيرا سولتانعازيەۆا.

جالپى، الماتى وبلىسىندا مۇقتاج جانداردى، ونىڭ ىشىندە كوپ بالالى اۋلەتتەردى تۇرعىن ۇيمەن قامتۋ ماسەلەسى كۇن تارتىبىنەن تۇسكەن ەمەس. بۇل ىزىگى باعىتتاعى ىسكە كاسىپكەرلەر دە ۇلكەن ۇلەس قوسىپ كەلەدى.  مىسالى، بىلتىر 1258 كوپباالى وتباسى باسپانالى بولسا، ونىڭ ىشىندەگى 180 ءۇيدى ايماقتاعى مەتساناتتار سىيعا تارتقان ەكەن. ال بۇل يگى ءداستۇر ءبىزدىڭ كەيىپكەرىمىز تۇراتىن كوكسۋ اۋدانىندا بيىل دا جالعاسىپتى.  

- كارانتين كەزىندە  اۋداندا تۇراتىن مۇقتاج ادامدارعا 12 ملن تەڭگەدەن استام سوماعا قايىرىمدىلىق كومەگى كورسەتىلدى. مۇنىڭ ىشىندە كوپ بالالى وتباسىلار دا بار. اۋدان بويىنشا  ولاردىڭ سانى – 1103. بۇل اۋلەتتەردىڭ جاعدايى ءبىزدىڭ نازارىمىزدان تىس قالعان ەمەس. باسپاناسىزداردى ءۇي كەزەگىنە قويۋ مەن دەمەۋشىلەردىڭ كومەگىنمەن ءۇيلى بولۋ قول جەتكىزۋىنە ىقپال جاساي بەرەمىز. جاقىندا مەملەكەتتىك باعدارلاما ارقىلى مۇقانشى اۋىلىنداعى كوپبالالى وتباسى باسپانالى بولدى. مۇنان بولەك، وسى قىس مەرزىمىندە اۋداندا دەمەۋشىلەردىڭ قارجىسىنا 41 از قامتىلعان وتباسىعا جالپى سوماسى 500 مىڭ تەڭگەگە ازىق-ت ۇلىك بەرىلىپ، 40 وتباسىعا 550 مىڭ تەڭگەگە وتىن ءتۇسىرىلدى، - دەيدى اۋدان اكىمى الماس ءادىل.

ايتپاقشى، مۇقتاج جاندارعا كومەك، ونىڭ ىشىندە قىسقى ماۋسىمعا دايىندىق بارىسى بويىنشا وبلىستىڭ بارلىق وڭىرىندە قايىرىمدىلىق شاراسى بەلسەندى تۇردە ءجۇرىپتى. بۇل شاراعا بيۋدجەتتەن 46 ملن تەڭگە جۇمسالسا، دەمەۋشىلەر بىرىگىپ  272،4 ملن تەڭگە جيناعان. ناتيجەسىندە جەتىسۋدا ءبىر ايدا 18 مىڭنان استام ادامعا ناقتى كومەك كورسەتىلگەن ەكەن.

 

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار