«2022 جىلعى 1 قاڭتاردان باستاپ جالاقىنىڭ ءوسۋىن ەسكەرە وتىرىپ, مەديتسينالىق قىزمەتتەرگە ارنالعان تاريفتەر قايتا قارالادى, ۋنيۆەرسيتەتتىك كلينيكالار ءۇشىن كوەففيتسيەنتتەر, سونداي-اق وڭىرلەرمەن ۇيىمداستىرۋشىلىق-ادىستەمەلىك جۇمىس ءۇشىن ۇو مەن عزي ءۇشىن كوەففيتسيەنتتەر ازىرلەنەدى», دەدى ا.تسوي.
سونداي-اق, ول سovid-19 جۇقتىرعان ناۋقاستاردى ستاتسيوناردا ەمدەۋگە جانە جازىلىپ شىققاندارعا مەديتسينالىق وڭالتۋ ءۇشىن جاڭا تاريفتەر كوزدەلگەنىن حابارلادى. بۇل تاريفتەر توسەك-كۇندەرگە ەسەپتەگەندە ستاتسيونارلاردا ەمدەلۋ شىعىستارىن تولەۋ بويىنشا جيناقتالعان دەرەكتەردى ەسكەرە وتىرىپ, كلينيكالىق-شىعىن توپتار قاعيداتى بويىنشا ازىرلەندى. سونىمەن قاتار, ءموبيلدى بريگادالارعا جانە قاشىقتىقتان كونسۋلتاتسيالارعا تاريفتەر ازىرلەندى.
سونىمەن قاتار, دەنساۋلىق ساقتاۋ ءمينيسترى اتاپ وتكەندەي, 2021 جىلى مامانداندىرىلعان, ونىڭ ىشىندە جوعارى تەحنولوگيالىق, مەديتسينالىق كومەك كورسەتۋگە اقى تولەۋ ادىستەرىن, سونداي-اق ونكولوگيالىق بەيىندەگى ەمدەلىپ شىققان جاعدايلاردى تولەۋ ادىستەرىن جەتىلدىرۋ بويىنشا جۇمىس جالعاسادى.
سونىمەن قاتار, العاشقى مەديتسينالىق-سانيتارلىق كومەككە تاريفتەردى بەلگىلەۋ باستالدى. پاتسيەنتتەردىڭ جاعدايىنىڭ اۋىرلىعىن ەسكەرە وتىرىپ, كارديوحيرۋرگيا, ميوكارد ينفاركتىسى, ينسۋلت, تراۆماتولوگيالىق جانە ينفەكتسيالىق اۋرۋلار بويىنشا تاريفتەردى پيلوتتىق سىناقتان وتكىزۋ جوسپارلانۋدا.
«2021 جىلى دەنساۋلىق ساقتاۋ سۋبەكتىلەرىنىڭ نەگىزگى قۇرالدارىن جاڭارتۋ ماقساتىندا ءبىز جول كارتاسىن ىسكە اسىرۋ جانە 2020-2022 جىلدارعا ارنالعان تمككك شەڭبەرىندە جانە ءمامس جۇيەسىندە مەديتسينالىق قىزمەتتەرگە تاريف بەلگىلەۋ ادىستەمەسىن جەتىلدىرۋ بويىنشا جۇمىستى جالعاستىرامىز», دەدى ا.تسوي.
سونداي-اق, دەنساۋلىق ساقتاۋ مينيسترلىگى جەكە قورعانىس قۇرالدارىنا ارنالعان شىعىستاردى وتەۋ جونىندە ۇسىنىستار ازىرلەيدى.
