مەيىرىمدىلىك پەن كەڭپەيىلدىلىكتىڭ, جاناشىرلىق پەن ىزگىلىكتىڭ رۋحاني داستۇرلەرىن قولداۋ كۇنىنە ارنالعان ايتۋلى شاراعا پارلامەنت ءماجىلىسىنىڭ دەپۋتاتى, ءازىربايجان قاۋىمداستىعىنىڭ توراعاسى ابيلفاس حامەدوۆ, پارلامەنت ءماجىلىسىنىڭ دەپۋتاتى, «باربانگ» قازاقستان كۇردتەرى قاۋىمداستىعى توراعاسىنىڭ ورىنباسارى ۆاكيل نابيەۆ, «ۆايناح» شەشەن-ينگۋش قاۋىمداستىعىنىڭ تەڭ توراعاسى احمەد مۋرادوۆ قاتىسىپ, العىس ايتۋ كۇنىن مەرەكەلەۋ قوعامنىڭ توپتاسۋىن, ازاماتتىق تاتۋلىقتى, قوعامدىق كەلىسىمدى, ورتاق تاريح پەن تاريحي ەستەلىكتەر نەگىزىندە قازاقستاندىق بىرەگەيلىك پەن بىرلىكتى نىعايتۋدى قامتاماسىز ەتەدى دەگەن ويلارىن ورتاعا سالىپ, ورتاق وتانىمىز – قازاقستانعا ۇلكەن العىس ءبىلدىردى.
جۇرگەنوۆ اتىنداعى ونەر اكدەمياسىنىڭ پروفەسسورى, تاريح عىلىمدارىنىڭ كانديداتى مەڭدىعانىم شايمەردەنوۆا, سونىمەن قاتار الماتى قالاسى «جاڭعىرۋ جولى» جاستار قوزعالىسىنىڭ مۇشەسى باحتينۋر سىدىقوۆا ىزگىلىك كۇنىن اتاپ ءوتۋ ۇلكەننەن – ىزەت, كىشىدەن – شاپاعات بولاتىن حالقىمىزبەن بىرگە جاساسىپ كەلە جاتقان اسىل قاسيەتتەرىن جاستار اراسىندا دارىپتەۋمەن قاتار ەلىمىزدە بايبىتشىلىك پەن تۇراقتىلىقتى قامتاماسىز ەتۋگە باعىتتالادى, دەپ اتاپ ءوتتى.
ءىس-شاراعا سونىمەن بىرگە, قحا قوعامدىق قۇرىلىمدارىنىڭ وكىلدەرى, رەسپۋبليكالىق ەتنومادەني بىرلەستىكتەردىڭ, عىلىمي جانە شىعارماشىل قاۋىم وكىلدەرى, ستۋدەنت جاستار, الماتى قالالىق «جاڭعىرۋ جولى» جاستار قوزعالىسىنىڭ مۇشەلەرى قاتىستى.
الماتى
