ەكونوميكا • 28 اقپان، 2021

قازاقستاندىقتار دەپوزيت بويىنشا قاي بانككە كوپ سەنىم ارتادى؟

496 رەت كورسەتىلدى

2021 جىلدىڭ باسىندا ەل تۇرعىندارىنىڭ ەكىنشى دەڭگەيلى بانك دەپوزيتتەرىندە جيناعان قاراجاتى 21،56 ترلن تەڭگەگە جەتىپ، الدىڭعى ءبىر جىلمەن سالىستىرعاندا 19،9 پايىز ءوسىم كورسەتكەن.  

حالىقتىڭ اقشاسىن ساقتاۋعا كەلگەندە توپ-10 قاتارىنا كىرەتىن بانكتىڭ 9-ى وڭ وسىمگە يە ەكەنىن كورسەتكەن. ۇزدىكتەر كوشىن 932،9 ملرد تەڭگە، ياعني رەكوردتىق 43،9 پايىز وسىمگە يە Jýsan Bank باستايدى. بۇل بانكتە ساقتالعان جەكە تۇلعالاردىڭ دا، زاڭدى تۇلعالاردىڭ دا دەپوزيت كولەمى وراسان كوپ. بيزنەس قارجىسىن ساقتاۋ بويىنشا دا بۇل بانك الدا تۇر – 463،9 ملرد تەڭگە. 2020 جىلى ەل تۇرعىندارى بۇل بانكتەگى دەپوزيتتەرىنە 469 ملرد تەڭگە كولەمىندە قارجى قۇيعان.

ەكىنشى ورىندا – Kaspi Bank. ءبىر جىلعى ءوسىمى – 38،1 پايىز نەمەسە 2،25 ترلن تەڭگە. بانك حالىقتىڭ قارجىسىن ساقتاۋ بويىنشا توپ-10 قاتارىنا كىرگەنمەن، بيزنەس قارجىسىن يەلەنۋ تۇرعىسىندا ۇزدىكتەر ساناتىنان (13-ورىن) تىس قالعان. بانكتىڭ نەگىزگى ءوسىمىن بولشەك ساۋدا سەگمەنتىندەگى كورسەتكىش قۇراپ وتىر – 2،02 ترلن تەڭگە نەمەسە 32،3 پايىزدىق ءوسىم.

ءۇشىنشى ورىندى سبەربانك العان. 35،5 پايىز ءوسىم – 2،15 ترلن تەڭگە. بۇل بانك بيزنەس سالىمى بويىنشا دا، حالىق سالىمى بويىنشا دا توپ-10 قاتارىنان ەركىن ورىن الىپ تۇر.

 جالپى، بانك سەكتورىندا بيزنەس-سالىم كولەمى 22،5 پايىزعا، 10،62 ترلن تەڭگەگە ۇلعايعان. حالىق دەپوزيتى 17،2 پايىزعا، 10،94 ترلن تەڭگەگە دەيىن وسكەن. كورپوراتيۆتىك سالىمدار ەكىنشى دەڭگەيلى بانكتەر جيىنتىق دەپوزيت پورتفەلىنىڭ 49،2 پايىزىن، بولشەك سالىمدار 50،8 پايىزىن ەنشىلەيدى.

 

 

 

 

 

 

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار