ايماقتار • 28 اقپان، 2021

تۇركىستانداعى وقيعا بويىنشا قىلمىستىق ءىس قوزعالدى

155 رەت كورسەتىلدى

تۇركىستان قالاسىندا  ءبىر وتباسىدا قايتىس بولعان بەس ادام بۇگىن قىزىلوردا وبلىسى جاڭاقورعان اۋدانىندا جەرلەنەدى.  مۇنداي مالىمەتتى تۇركىستان وبلىسى اكىمىنىڭ ءبىرىنشى ورىنباسارى ارمان جەتپىسباەۆ بريفينگتە ءمالىم ەتتى.

- كەشە وبلىس باسشىسى ومىرزاق شوكەەۆ قارا جامىلعان وتباسىعا بارىپ، مارقۇمداردىڭ تۋىستارىنا كوڭىل ايتتى. قوعامدىق دەنساۋلىق ساقتاۋ باسقارماسىنىڭ پسيحولوگتارى  ءوز كومەكتەرىن كورسەتۋدە. مارقۇمداردىڭ دەنەلەرى سوت مەديتسينالىق ساراپتامادان وتكىزىلىپ، تۋىستارىنا تابىستالدى. جەرلەۋ راسىمىنە قاجەتتى كومەكتەر كورسەتىلۋدە. وبلىستاعى مەكەمەلەر قايعىلى جاعدايعا تاپ بوعان وتباسىعا كومەكتەسۋ ءۇشىن ءبىر كۇندىك جالاقىلارىن اۋدارۋدى نيەت ەتىپ وتىر. وسى وقيعاعا بايلانىستى قىلمىستىق ءىس قوعالدى. ەگەر ءتيىستى قىزمەتكەرلەردىڭ كىناسى انىقتالسا، زاڭ اياسىندا جاۋاپكەرشىلىككە تارتىلادى، - دەدى ا.جەتپىسباەۆ.

ەسكە سالا كەتسەك، 27 اقپاندا كەشكىسىن تۇركىستان قالاسىنداعى جەكەمەنشىك ۇيلەردىڭ بىرىنەن ءيىس ءتيىپ قايتىس بولعان 5 ادامنىڭ دەنەسى تابىلدى. قايتىس بولعاندار: وسى ءۇيدىڭ 1980 جىلى تۋعان ازاماتشاسى جانە ونىڭ 2004، 2006، 2013، 2016 جىلى تۋعان بالالارى. كاسىپكەرلىكپەن اينالىساتىن وتاعاسى بۇل كۇنى ەمدەلۋ ماقساتىندا شىمكەنت قالاسىندا بولعان.

وبلىستىق توتەنشە جاعدايلار دەپارتامەنتىنىڭ باسشىسى نۇرعالي ءجۇنىسوۆتىڭ ايتۋىنشا، قايعىلى جاعداي بولعان ءۇي يراندىق كامين پەشىمەن جىلىتىلعان. بولجام بويىنشا مارقۇمدار ءيىستى گازدان ۋلانىپ قايتىس بولعان.

تۇركىستان وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى ابدىعاني سەيدۋاليەۆتىڭ ايتۋىنشا، قايعىلى جاعداي 26 اقپان كۇنى كەشكى ساعات 7-8-دەردىڭ شاماسىندا ورىن العان بولۋى مۇمكىن. وتباسى مۇشەلەرى  بۇل كەزدە ءالى ۇيقىعا جاتپاعان. قايتىس بولعان ازاماتشا بازاردا جۇمىس ىستەگەن. ەرتەڭىنە ول بازارعا شىقپاعان سوڭ قاسىنداعى تانىسى ونىڭ ۇيىنە ۇلىن جىبەرگەن. ۇلى ۇيدەن ەشكىمنىڭ شىقپاعانىن ايتىپ كەلگەن. بۇدان كەيىن ساتۋشى ايەل كۇيەۋىن جۇمساعان. ول ءۇيدىڭ تەرەزەسىنەن قاراپ، مارقۇم ازاماتشانىڭ جاتقانىن كورگەن.

- وقيعا بويىنشا قىلمىستىق كودەكستىڭ 292-بابىنىڭ 3-بولىمىمەن، ياعني ابايسىزدا ەكى نەمەنە ودان كوپ ادامنىڭ ولىمىنە اكەلىپ سوققان ء ورت قاۋىپسىزدىگى تالاپتارىن بۇزۋ بابىمەن قىلمىستىق ءىس قوزعالدى. تولىق ءمان-جاي تەرگەۋ بارىسىندا انىقتالادى، - دەدى ءا.سەيدۋاليەۆ.

«قازترانسگاز ايماق» مەكەمەسىنىڭ تۇركىستان بويىنشا ءوندىرىستىڭ فيليالىنىڭ باسشىسى شالقار ۋماربەكوۆتىڭ ايتۋىنشا،  وقيعا بولعان سۇلتان بەيبارىس كوشەسىنە تابيعي گاز قۇبىرى وسىدان بىرنەشە جىل بۇرىن تارتىلعان. ال ابونەنتتىڭ ءوزى گازعا قوسىلۋ جونىندەگى ءوتىنىشتى  بىلتىر قاراشادا بەرگەن. ۇيگە گاز قۇبىرلارىن ورناتۋ جۇمىستارىن «قازترانسگاز» مەكەمەسى ەمەس، مەردىگەر مەكەمەلەر اقىلى نەگىزدە جۇرگىزەدى.

-ءبىز ولارعا ءوز تاراپىمىزدان سىلتەمە نەمەسە تالاپتار قويا المايمىز. ولار وزدەرىنىڭ جۇمىسىن ليتسەنزيا نەگىزىندە جۇزەگە اسىرادى، - دەدى ۋماربەكوۆ.

ايتا كەتەرى،  قايعىلى وقيعا بولعان ۇيدەگى گاز قۇرالدارىنىڭ ورناتىلۋى الدىن الا وتكىزىلگەن قۇجاتتارداعى سحەمامەن سايكەس كەلمەگەن.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار