ونىڭ ايتۋىنشا, الەۋمەتتىك باسپانا «نۇرلى جەر» مەملەكەتتىك باعدارلاماسىنىڭ اياسىندا ەنگىزىلۋدە. سايكەسىنشە, باسپانا باعاسى وسى باعدارلامانىڭ اياسىندا تىركەلگەن.
«باعانىڭ كوتەرىلۋى كۇتىلمەيدى. بۇگىنگى تاڭدا الماتى قالاسى بويىنشا «شاڭىراق» مەملەكەتتىك باعدارلاماسى بويىنشا الەۋمەتتىك باسپانا, سونىمەن بىرگە كرەديتتىك باسپانا باعاسى 240 مىڭ تەڭگەگە دەيىن», دەپ اتاپ ءوتتى ول.
«شاڭىراق» باعدارلاماسىنىڭ شارتتارى: ءتيىمدى مولشەرلەمە -جىلدىق 5%, باستاپقى جارنا- 10%, قارىز الۋدىڭ ماكسيمالدى مەرزىمى- 20 جىلعا دەيىن, ماكسيمالدى قارىز سوماسى - 18ملن تەڭگەگە دەيىن. جاو كەزەگىندە تۇرعانداردىڭ بارلىق ساناتىنداعىلاردىڭ قاتىسۋ قۇقىعى بار.
ەستەرىڭىزگە سالا كەتەيىك, الماتى قالاسىنىڭ اكىمدىگى حالىقتى قولجەتىمدى جانە قولايلى باسپانامەن قامتاماسىز ەتۋ بويىنشا كەشەندى جۇمىستار جۇرگىزۋدە. مىسالى, 2020 جىلى 2926 وتباسى باسپانامەن قامتىلدى.
بيىل 8 مىڭنان استام قالا تۇرعىنىن تۇرعىن ۇيمەن قامتاماسىز ەتۋ جوسپارلانعان, ونىڭ ىشىندە : ءحاوت - 427,كوپبالالى وتباسىلار - 452, شاڭىراق - 3578, كرەديتتىك باسپانا - 1411, الماتى جاستارى -1000, جۇمىس ىستەۋشى جاستارعا جالدامالى باسپانا - 1050, باقىتتى وتباسى - 374.
