قازاقستان • 27 اقپان، 2021

ارمەنيادان اكەلىنگەن كولىكتەردى تىركەۋ مەرزىمى تاعى 1 جىلعا ۇزارتىلدى

22 رەت كورسەتىلدى

ارمەنيادان اكەلىنگەن كولىكتەردى تىركەۋ مەرزىمى تاعى 1 جىلعا ۇزارتىلدى. بۇل تۋرالى قر ىشكى ىستەر مينيسترلىگىنەن ءمالىم ەتتى.

قر ىشكى ىستەر مينيسترلىگى مەملەكەت باسشىسىنىڭ تاپسىرماسىن ورىنداۋ اياسىندا ارمەنيا رەسپۋبليكاسىنىڭ ۋاكىلەتتى ورگاندارىندا قازاقستان رەسپۋبليكاسىنىڭ ازاماتتارىنا تىركەلگەن جانە 2020 جىلعى 1 اقپانعا دەيىن قازاقستان رەسپۋبليكاسىنا اكەلىنگەن كولىك قۇرالدارىن تىركەۋ بويىنشا جۇمىس جۇرگىزۋدە.

مينيسترلىك مالىمەتىنشە، قازىرگى ۋاقىتتا تىركەۋ شارتتارىنا سايكەس 20 مىڭنان استام اۆتوموبيل ەسەپكە قويىلدى. سونىمەن قاتار، 1 مىڭنان استام اۆتوكولىك يەلەرىنە ءوز اۆتوموبيلدەرىن تىركەۋگە نەمەسە ولاردى ەلدەن تىس جەرلەرگە اكەتۋگە مۇمكىندىك بەرمەگەن بىرقاتار وبەكتيۆتى سەبەپتەر بار.

اتاپ ايتقاندا، كۇردەلى ەپيدەميولوگيالىق جاعدايعا جانە كارانتيندىك شەكتەۋلەردىڭ ۇزاققا سوزىلعان سيپاتىنا بايلانىستى مەملەكەتتىك شەكارانى كەسىپ ءوتۋ شەكتەۋلەرىنە بايلانىستى اۆتوكولىكتى ارمەنياعا كەرى اكەتۋ پروبلەمالارى تۋىندادى.

كەيبىر اۆتوكولىك يەلەرى، سونداي-اق كارانتينگە بايلانىستى، اككرەديتتەلگەن زەرتحانالاردا قايتا جابدىقتالعان اۆتوموبيلدەرگە ۋاقىتىلى سىناق جۇرگىزە المادى، ولار بارلىق وڭىردە جوق.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار