ايماقتار • 27 اقپان، 2021

الماتىدا 452 كوپبالالى وتباسى باسپانامەن قامتىلادى

10 رەت كورسەتىلدى

الماتى قالاسى تۇرعىن ءۇي ساياساتى باسقارماسى باسشىسىنىڭ ورىنباسارى ەرمەك ءامىروۆ جانە الماتى قالاسى «وتباسى بانك» اق فيليالى ديرەكتورىنىڭ ورىنباسارى داناگۇل ءتۇسىپوۆا وڭىرلىك كوممۋنيكاتسيالار قىزمەتى الاڭىندا تۇرعىن ءۇي باعدارلامالارىن جۇزەگە اسىرۋ تۋرالى سۇراقتارعا جاۋاپ بەردى.

- كوپبالالى جانە از قامتىلعان وتباسىلاردىڭ باسپاناعا قولجەتىمدىلىگىن ارتتىرۋ ءۇشىن قانداي قۇرالدار (جولدارى) بار؟ وتكەن جىلى كوپبالالى جانە از قامتىلعان وتباسىلارعا قانشا پاتەر/ۇي بەرىلدى؟ وسى جىلعا جوسپار قانداي؟

تۇرعىن ءۇيدىڭ قولجەتىمدىلىگىن ارتتىرۋ ءۇشىن 2021 جىلى «كوپ بالالى وتباسى»، «مۇگەدەك بالاسى بار نەمەسە مۇگەدەك بالا تاربيەلەپ وتىرعان وتباسى»، «1 جانە 2-توپتاعى مۇگەدەكتەر»، «جەتىم بالالار» ساناتتارى بويىنشا مۇقتاجدار ەسەبىندە تۇرعان ازاماتتارعا تۇرعىن ءۇي ساتىپ الۋ ءۇشىن باستاپقى جارنانى ەنگىزۋ ءۇشىن 1 ملن.تەڭگە سوماسىنا 2 مىڭ قايتارىمسىز تۇرعىن ءۇي سەرتيفيكاتىن بەرۋ جوسپارلانۋدا.
جالپى، 2020 جىلى كوپ بالالى وتباسىلارعا 365 پاتەر، حالىقتىڭ الەۋمەتتىك وسال توپتارى ءۇشىن 743 پاتەر بەرىلدى.
2020 جىلى بارلىعى 2 926 پاتەر بەرىلدى.
الماتى قالاسىنىڭ اكىمدىگى حالىقتى قولجەتىمدى جانە جايلى باسپانامەن قامتاماسىز ەتۋ بويىنشا كەشەندى جۇمىستار جۇرگىزۋدە.
2020 جىلى 2926 وتباسى باسپانامەن قامتاماسىز ەتىلدى، ونىڭ ىشىندە:
- 879 – كوممۋنالدىق تۇرعىن ءۇي قورىنان (427-ءحاوت، 452-كوپ بالالى وتباسىلار);
- 4989 – كەزەكتە تۇرعاندار ءۇشىن جەڭىلدىكتى نەسيەلىك باعدارلامالار (شاڭىراق  – 3578، كرەديتتىك تۇرعىن ءۇي - 1411);
- 2050 – جاستارعا ارنالعان باعدارلامالار (الماتى جاستارى بويىنشا كرەديتتەۋ – 1000، جۇمىس ىستەۋشى جاستار ءۇشىن ساتىپ الۋ قۇقىعىنسىز جالعا بەرۋ  – 1050).
كونسۋلتاتسيالىق كومەك بارلىق نيەت بىلدىرۋشىلەرگە كورسەتىلەدى. ول ءۇشىن باسقارمانىڭ ءبىرىنشى قاباتىندا وپەراتسيالىق زال بار. سونىمەن قاتار، كەڭەس الەۋمەتتىك جەلىلەردەگى پاراقشالاردا كورسەتىلەدى. ىسكە اسىرىلىپ جاتقان باعدارلامالار، شارتتار مەن مەرزىمدەر تۋرالى اقپارات باسقارمانىڭ جانە الماتى جاستارى سايتتارىندا جاريالانادى.

- «شاڭىراق» پيلوتتىق باعدارلاماسىندا اعىمداعى جىلدىڭ باسىنان باستاپ جەكە تۇرعىن ءۇي ساتىپ الۋ ءۇشىن 225 قارىز بەرىلدى. وسى باعدارلامانىڭ شارتتارى تۋرالى تولىعىراق ايتىپ بەرسەڭىز.
«شاڭىراق» باعدارلاماسىنىڭ شارتتارى»:
- ءتيىمدى مولشەرلەمە – جىلدىق 5%، باستاپقى جارنا – 10 %، قارىزدىڭ ەڭ ۇزاق مەرزىمى – 20 جىلعا دەيىن، قارىزدىڭ ەڭ جوعارى سوماسى – 18 ملن.تەڭگەگە دەيىن. جاو-دا كەزەكتە تۇرعانداردىڭ بارلىق ساناتتارى قاتىسۋعا قۇقىلى.ءحاوت ساناتىنداعى 427 وتباسى جانە 452 كوپ بالالى وتباسىن بيىل تۇرعىن ۇيمەن قامتاماسىز ەتۋ جوسپارلانۋدا. بۇل جەردە كەزەكتە تۇرعاندار جايلى بولىپ وتىر ما؟ ءحاوت ساناتىنا كىم كىرەدى؟
ءيا، بۇل پاتەرلەردىڭ بارلىعى كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان ازاماتتارعا كەزەكتىلىك تارتىبىمەن بولىنەتىن بولادى.
ءحاوت ساناتىنا: ۇوس ارداگەرلەرى، جەتىم بالالار، جەڭىلدىكتەر بويىنشا ۇوس ارداگەرلەرىنە تەڭەستىرىلگەن ارداگەرلەر، 1 جانە 2 توپتاعى مۇگەدەكتەر، تولىق ەمەس وتباسىلار، مۇگەدەك بالاسى بار نەمەسە مۇگەدەك بالا تاربيەلەپ وتىرعان وتباسىلار، جاسىنا بايلانىستى زەينەتكەرلەر، قانداستار، قر ۇكىمەتى بەكىتكەن اۋرۋلار تىزىمىندە اتالعان سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار، ەكولوگيالىق اپاتتار، تابيعي جانە تەحنوگەندىك سيپاتتاعى تج سالدارىنان جالعىز تۇرعىن ۇيىنەن ايىرىلعان ادامدار، قىزمەتتىك مىندەتتەرىن اتقارۋ كەزىندە قازا تاپقان قىزمەتكەردىڭ وتباسى كىرەدى.

وسى جىلى 8 مىڭنان استام تۇرعىندى تۇرعىن ۇيمەن قامتاماسىز ەتۋ جوسپارلانۋدا. ادامنىڭ الۋشىلار تىزىمىنە كىرەتىنىن قالاي بىلۋگە بولادى؟
پاتەرلەردىڭ جالپى سانىنىڭ 879-ى كەزەكتىلىك تارتىبىمەن بولىنەتىن بولادى.
قالعان پاتەرلەر جەڭىلدەتىلگەن يپوتەكالىق باعدارلامالار بويىنشا، سونداي-اق 29 جاسقا دەيىنگى جۇمىس ىستەيتىن جاستار ءۇشىن ساتىپ الۋ قۇقىعىنسىز ساتىلادى. وسى باعدارلامالارعا قاتىسۋ ەرىكتى سيپاتتا بولادى. وسىعان بايلانىستى قاتىسۋعا نيەت بىلدىرۋشىلەر ءتيىستى ءوتىنىم بەرۋى ءتيىس.
- كەزەكتە تۇرعانداردى تۇگەندەۋ قالاي جۇرگىزىلەدى؟

2020 جىلدان باستاپ كەزەكتە تۇرعاندارعا قىزمەت كورسەتەتىن باعدارلامالىق ءونىم - «ەسەپكە قويۋ...» بىرىڭعاي ۇلتتىق جۇيەسى ەنگىزىلگەن، ول جىلىنا ءبىر رەت مەملەكەتتىك ورگانداردىڭ بارلىق جۇيەلەرىنەن دەرەكتەردى ينتەگراتسيالاۋ ارقىلى اۆتوماتتى تۇردە تۇگەندەۋ جۇرگىزەدى، ونىڭ ناتيجەلەرى بويىنشا قاجەتتىلىك بولماعان، باسقا ەلدى مەكەنگە كەتكەن، ساناتىن جوعالتقان جانە ت.ب. جاعدايدا كەزەكتە تۇرعان ادام ەسەپتەن شىعارىلادى.

- «تۇرعىن ءۇي قاتىناستارى تۋرالى» قر زاڭىندا الماتى قالاسىندا تۇرۋ تالابى كوزدەلگەن. بۇل رەتتە، قازىرگى ۋاقىتتا 14 جاسقا تولماعان بالالاردى تىركەۋ ءتارتىبى وزگەردى. بۇل فاكت كەزەككە قويۋدان باس تارتۋ ءۇشىن نەگىز بولىپ تابىلا ما؟ مەملەكەتتەن تۇرعىن ءۇيدى كىم جانە قالاي الا الادى؟
14 جاسقا دەيىنگى بالالاردىڭ مەكەنجاي تىركەۋىندە بولماۋى كەزەككە قويۋدان باس تارتۋ ءۇشىن نەگىز بولىپ تابىلمايدى. جالعىز تالاپ – بالالاردى باسقا ەلدى مەكەندە تىركەۋگە بولمايدى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار