ايماقتار • 26 اقپان، 2021

قىزىلوردادا كارانتين تالاپتارىن ساقتاماعان تۇنگى كلۋب انىقتالدى

14 رەت كورسەتىلدى

قىزىلوردادا كارانتين تالاپتارىنىڭ ساقتالۋىن قاداعالاۋ بويىنشا مونيتورينگتىك توپتاردىڭ رەيدتەرى جالعاسۋدا، دەپ حابارلايدى Egemen.kz Polisia.kz سايتىنا سىلتەمە جاساپ.

ءتارتىپ ساقشىلارى قىزىلوردا قالاسىندا كارانتيندىك شارالاردىڭ ساقتالۋىن قامتاماسىز ەتۋ ماقساتىندا ارنايى قالا اكىمىمەن بەكىتىلگەن مونيتورينگتىك توپ قۇرامىندا رەيدتىك تەكسەرۋلەر جۇرگىزۋدە. رەيدتەر بارىسىندا قالا ورتالىعىنداعى بىرنەشە ويىن-ساۋىق ورىندارىندا كارانتيندىك شەكتەۋلەردىڭ ساقتالماعاندىعى انىقتالىپ،  ولار بويىنشا جينقتالعان ماتەريالدار كاسىپكەرلىك نىسان يەلەرىنە ءتيىستى شارا قولدانۋ ءۇشىن ۇيلەستىرۋ ورتالىعىنا جولداندى.

مىسالى، كارانتيندىك تالاپتاردى بۇزا وتىرىپ، تۇنگى ساعات 23:20 شاماسىندا جۇمىس ىستەپ تۇرعان “الەن” تۇنگى كلۋبىنا بارعان ءتارتىپ ساقشىلارىنا كلۋب اكىمشىسى مەن كۇزەتشىلەرى ەسىك اشپاعان. مونيتورينگتىك توپ مۇشەلەرى كلۋب يەسىنە قوڭىراۋ شالىپ، وقيعا ورنىنا دەرەۋ جەتۋىن سۇراعان.

قازىرگى تاڭدا اتالعان كلۋبتىڭ يەسىنە، اكىمشىسى مەن كۇزەتشىسىنە قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 443-بابىنىڭ 1-بولىگىمەن (قوعامدىق ءتارتىپتى قامتاماسىز ەتۋگە قاتىساتىن ادامنىڭ زاڭدى تالابىنا باعىنباۋ) حاتتامالار تولتىرىلىپ، ايىپپۇلدار سالىندى. كارانتين تالاپتارىن بۇزۋ دەرەگى بويىنشا ماتەريال شارا قولدانۋ ءۇشىن مۇددەلى ورگانعا جولداندى.

سوڭعى جاڭالىقتار

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار