بۇل تۋرالى مەديتسينالىق مەكەمەنىڭ باسشىسى ەركىن-ءداۋىر قۇرمانعاليەۆ تىكەلەي ەفيرگە شىعىپ, حابارلادى. كلينيكا ديرەكتورىنىڭ ايتۋىنشا, قازىرگى ۋاقىتتا دارىگەرلەر پاتسيەنتتىڭ ءۇسىپ كەتكەن قۇلاقتارىن قالپىنا كەلتىرۋمەن اينالىسىپ جاتىر ەكەن.
– كوپتەگەن ادامدار حابارلاسىپ, قۇلاعىن ۇسىتكەن جەرلەسىمىزدىڭ حال-جاعدايىن سۇراستىرۋدا. ءبىز ول ادامدى كەشە ىزدەستىرىپ تاپتىق. بۇگىن اۋرۋحاناعا جاتقىزدىق. قۇلاقتى قالپىنا كەلتىرۋگە بولا ما؟ نەگىزىنەن قۇلاق دەگەن قانمەن جەتكىلىكتى مولشەردە قامتاماسىز ەتىلەتىن ورگان. سوندىقتان جاعدايدى باقىلايتىن بولامىز جانە ءارى قاراي ەمدەيمىز, ارينە. پاتسيەنتتىڭ ومىرىنە تونگەن قانداي دا ءبىر قاۋىپتى كورىپ تۇرعان جوقپىن, – دەپ مالىمدەدى ە. قۇرمانعاليەۆ.
كەشەگى بولعان سۇراپىل بوراندا قاراعاندى وبلىستىق تج دەپارتامەنتىنىڭ قۇتقارۋشىلارى, №52859 اسكەري ءبولىمنىڭ ساربازدارى جانە اپات مەديتسيناسى ورتالىعىنىڭ قىزمەتكەرلەرى جولدا قالعان 79 ادامدى قار قۇرساۋىنان قۇتقاردى. قۇتقارىلعانداردىڭ اراسىندا جەتى بالا بار.
