ايماقتار • 26 اقپان، 2021

الماتىدا قوسىمشا جۇمىس ورىندارى اشىلادى

12 رەت كورسەتىلدى

قالا اكىمى باقىتجان ساعىنتاەۆتىڭ توراعالىعىمەن وتكەن كەڭەستە جۇمىس ورىندارىن قۇرۋ، جۇمىسپەن قامتۋدى ساقتاۋ، جالاقىنى جانە مىندەتتى زەينەتاقى جانە الەۋمەتتىك اۋدارىمداردى دەر كەزىندە تولەۋ ماسەلەلەرى قارالدى.

كەڭەستە ايتىلعان مالىمەتتەر بويىنشا، 2020 جىلى بارلىق مەملەكەتتىك باعدارلامالار نەگىزىندە، سونداي-اق شوب سالاسىندا 76،3 مىڭ جۇمىس ورنى قۇرىلدى. بيىل «ەڭبەك» باعدارلاماسى اياسىندا «تجكب» باعىتى بويىنشا جوعارى وقۋ ورىندارىنا تۇسپەگەن جاستار مەن تۇرمىسى ناشار وتباسىلاردىڭ جاسوسپىرىمدەرى اراسىنان 15-24 جاس ارالىعىنداعى 2،5 مىڭ ادامدى وقىتۋ جوسپارلانۋدا. «قىسقا مەرزىمدى وقىتۋ» باعىتى بويىنشا تىگىن جانە كونديتەرلىك ءىس، بۋحگالتەريا سياقتى سۇرانىسقا يە ماماندار دايارلايتىن كۋرستارستاردا 1 مىڭ ادام وقيتىن بولادى. وسى باعىت بويىنشا وقيتىندارعا ستيپەنديا بەرىلەدى، ولاردىڭ جۇمىسقا تۇرۋلارىنا كومەك كورسەتىلەدى.
«ەڭبەك» باعدارلاماسىنىڭ تاعى ءبىر باعىتى – شاعىن نەسيەلەۋ جانە گرانتتار. جالپى سوماسى 1،6 ملرد تەڭگەگە 115 ادام شاعىن نەسيە الادى دەپ جوسپارلانۋدا. 200 اەك كولەمىندەگى گرانتتار جالپى سوماسى 583،4 ملن تەڭگەگە 1 مىڭ ادامدى قابىلداي الادى. 1000-عا جۋىق جۇمىسسىزدار الەۋمەتتىك جۇمىس ورىندارىنا، تاعى 6000-ى قوعامدىق جۇمىستارعا ورنالاسادى. جاستار پراكتيكاسىمەن 29 جاسقا دەيىنگى 800 ادام قامتىلاتىن بولادى.مەگاپوليس اكىمى ب. ساعىنتاەۆتىڭ تاپسىرماسى بويىنشا قوسىمشا بولىنگەن قارجىنىڭ ارقاسىندا جاستاردىڭ اي سايىنعى جالاقىسى 100 مىڭ تەڭگەگە دەيىن ءوستى.
مەگاپوليستەگى ەڭبەك نارىعىنىڭ جاعدايىنا كۆي-گە قاتىستى بولعان توتەنشە جاعدايلار مەن كارانتين كەزىندەگى شەكتەۋ شارالارى ايتارلىقتاي اسەر ەتتى. بىرقاتار ساۋدا جانە قىزمەت كورسەتۋ كاسىپورىندارى وزدەرىنىڭ پاندەمياعا دەيىنگى الەۋەتىن قالپىنا كەلتىرە الماۋدا. سوندىقتان الماتى قالاسىنىڭ اكىمى ب. ساعىنتاەۆ ءوزىنىڭ ورىنباسارلارىنا، اۋدان اكىمدەرىنە جانە مۇددەلى باسقارما باسشىلارىنا قيىن جاعدايعا تاپ بولعان كاسىپورىندارعا قاجەتتى كومەك كورسەتۋ ءۇشىن بارلىق شارالاردى قابىلداۋدى تاپسىردى.
«جۇمىس ورىندارىن قۇرۋ ءۇشىن مەملەكەتتىك باعدارلامالاردى ىسكە اسىرۋعا بولىنگەن قارجىنى بارىنشا ءتيىمدى پايدالانۋ قاجەت »، - دەپ اتاپ ءوتتى ب. ساعىنتاەۆ.
ول ءوزىنىڭ سوزىندە جۇمىس ورىندارىن قۇرۋ مەن ولاردى ساقتاپ قالۋ اكىمدىكتىڭ كۇن تارتىبىندەگى باستى مىندەتتەردىڭ ءبىرى ەكەنىن اتاپ ءوتتى.
«ەڭبەك – دۇرىس ءومىر ءسۇرۋدىڭ نەگىزى، مەگاپوليس تۇرعىندارىنىڭ قاناعاتتانۋ دەڭگەيى وسىعان بايلانىستى. قالالىقتاردى جۇمىسپەن قامتۋ ەڭ باستى ماسەلە بولۋى ءتيىس»، - دەدى الماتى اكىمى ب. ساعىنتاەۆ.
قالادا جۇمىسپەن قامتۋدى قولداۋ شارالارىنىڭ قاتارىندا وندىرىستىك پاركتەردە ءوندىرىس ورىندارىن تەگىن ۇسىنۋدىڭ پيلوتتىق جوباسى قاراستىرىلۋدا. جەكە كاسىپپەن اينالىسقىسى كەلەتىندەر شوب دامىتۋ باعدارلامالارى ءۇشىن جەڭىلدەتىلگەن نەسيە الىپ، ءوز بيزنەسىن اشىپ، ءوزىن جانە جاقىندارىن جۇمىسپەن قامتاماسىز ەتە الادى.

جوو مەن كوللەدج تۇلەكتەرىن جۇمىسپەن قامتۋ دەڭگەيىن ارتتىرۋ ماقساتىندا كاسىپتىك باعدار بەرۋدى كۇشەيتۋ ءۇشىن ءوندىرىس ورىندارىنىڭ بازالارىندا وقۋ ورتالىقتارىن ىسكە قوسۋ جوسپارلانۋدا. سونىمەن قاتار، تۇلەكتەرگە مونيتورينگ جۇرگىزىلىپ، بىرىڭعاي بازاسى جاسالادى، جوعارى جانە ورتا ارناۋلى وقۋ ورىندارىندا كاسىپكەرلىك نەگىزدەرى بويىنشا وقىتۋ جالعاسادى، سونىڭ نەگىزىندە وندا بيزنەس-ينكۋباتورلار دا اشىلادى.
كەڭەستە كاسىپورىنداردىڭ جالاقى بويىنشا قارىزدارىن ازايتۋ جانە مىندەتتى زەينەتاقى جانە الەۋمەتتىك ساقتاندىرۋ تولەمدەرىنىڭ كەشىكتىرىلۋىنە جول بەرمەۋ شارالارى دا قارالدى.

 

 

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار