قوعام • 26 اقپان، 2021

قازاقستاندا كوشى-قون ساياساتىنىڭ جاڭا تۇجىرىمداماسى ازىرلەنەدى

9 رەت كورسەتىلدى

2021 جىلى قازاقستاندا كوشى-قون ساياساتىنىڭ 2022-2026 جىلدارعا ارنالعان تۇجىرىمداماسى ازىرلەنەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ 2020 جىلعى قىزمەت قورىتىندىلارى مەن 2021 جىلعا ارنالعان مىندەتتەر بويىنشا كەڭەيتىلگەن القا وتىرىسىندا ۆەدومستۆو باسشىسى سەرىك شاپكەنوۆ حابارلادى، دەپ حابارلايدى Egemen.kz.

ءىس-شاراعا قر پرەمەر-ءمينيسترىنىڭ ورىنباسارى ەرالى توعجانوۆ، ەڭبەكمينىنىڭ ورتالىق اپپاراتى مەن قۇرىلىمدىق بولىمشەلەرىنىڭ باسشىلارى، قر پارلامەنتىنىڭ دەپۋتاتتارى، قر پرەزيدەنتى اكىمشىلىگىنىڭ، قر پرەمەر-ءمينيسترى كەڭسەسىنىڭ جانە ورتالىق مەملەكەتتىك ورگانداردىڭ وكىلدەرى، وبلىستار، نۇر-سۇلتان، الماتى، شىمكەنت قالالارى اكىمدەرىنىڭ ورىنباسارلارى، حالىقارالىق ۇيىمداردىڭ، كاسىپوداقتاردىڭ وكىلدەرى جانە باسقالار قاتىستى.

مينيستر ءوز سوزىندە ەتنيكالىق كوشى-قوندى ىنتالاندىرۋ شەڭبەرىندە 2020 جىلى رەسپۋبليكاعا 7 مىڭنان استام وتباسى نەمەسە 13 مىڭ ەتنيكالىق قازاق كەلگەنىن، ونىڭ ىشىندە 396 قانداس وتباسى قابىلداۋ وڭىرلەرىندە (شقو، سقو، اقمولا، پاۆلودار، قوستاناي وبلىستارى) قونىستانعانىن حابارلادى.

ەل ەكونوميكاسىن بىلىكتى شەتەلدىك ماماندارمەن قامتاماسىز ەتۋ بويىنشا شارالار قابىلدانۋدا. 2020 جىلى بولىنگەن كۆوتا شەڭبەرىندە جەرگىلىكتى اتقارۋشى ورگاندار شەتەلدىك جۇمىس كۇشىن تارتۋعا 17،3 مىڭ رۇقسات بەردى. قازاقستاندىق قىزمەتكەرلەردىڭ مۇددەلەرىن ەسكەرە وتىرىپ، اعىمداعى جىلعا كۆوتا رەسپۋبليكاداعى جۇمىس كۇشىنىڭ سانىنا قاتىستى 0،31%-دى قۇرادى.

قولدانىستاعى كوشى-قون جۇيەسىن جەتىلدىرۋ ماقساتىندا وتكەن جىلى زاڭناماعا ەلگە كەلەتىن قونىس اۋدارۋشىلار مەن ەتنيكالىق رەپاتريانتتارعا قولايلى جاعدايلار جاساۋدى; شەتەلدىك جۇمىس كۇشىن تارتاتىن جۇمىس بەرۋشىلەردىڭ شەتەلدىك بىلىكتى قىزمەتكەرلەردى قازاقستاندىق كادرلارمەن الماستىرۋ جونىندەگى مىندەتتەمەلەرىن كوزدەيتىن تۇزەتۋلەر ەنگىزىلدى.

«كوشى-قون قاتىناستارىن ودان ءارى دامىتۋ شەڭبەرىندە 2021 جىلى ءۇش نەگىزگى مىندەت ايقىندالدى. ءبىرىنشىسى – قازاقستان رەسپۋبليكاسى كوشى-قون ساياساتىنىڭ 2022-2026 جىلدارعا ارنالعان جاڭا تۇجىرىمداماسىن قابىلداۋ. ەكىنشىسى – قازاقستاندىق قىزمەتكەرلەردى شەتەلدە جۇمىسقا ورنالاستىرۋ جانە قۇقىقتىق قورعاۋ بولىگىندە ءتيىستى جۇيەنى ەنگىزۋ. ءۇشىنشىسى – كادرلارداعى قازاقستاندىق قامتۋدى قامتاماسىز ەتۋ كەمىندە 97% دەڭگەيىندە ساقتالادى»، – دەدى سەرىك شاپكەنوۆ.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار