ادەبيەت • 26 اقپان، 2021

سايىن مۇراتبەتكوۆتىڭ اڭگىمەلەرى اعىلشىن تىلىنە اۋدارىلدى

82 رەت كورسەتىلدى

الماتىدا بالالارعا ارنالعان ي.كرىلوۆ اتىنداعى كىتاپحانادا تۇماندى البيوننان جەتكەن جاڭا ءبىر كىتاپتىڭ تۇساۋكەسەرى ءوتتى. حالىقارالىق قازاق پەن-كلۋبىنىڭ ۇيىتقى بولۋىمەن لوندوندا باسىلعان «The crossing end other stories» جيناعىنا قازاق ادەبيەتىنىڭ كلاسسيگى سايىن مۇراتبەكوۆتىڭ شىعارمالارى ەنىپ وتىر. كىتاپ الماتى قالاسى اكىمدىگىنىڭ دەمەۋشىلىگىمەن جارىققا شىققان، دەپ حابارلايدى Egemen.kz.

كىتاپتىڭ تۇساۋكەسەر راسىمىنە الماتى قالاسى مادەنيەت باسقارماسىنىڭ باسشىسى عاني مايلىباەۆ قاتىسىپ، قالالىق اكىمشىلىك تاراپىنان قالامگەرلەردى قولداۋ ماسەلەسىنە قاتىستى جۇمىستاردى اتاپ ءوتتى.

جارتى جىلدان استام ۋاقىتقا سوزىلعان جۇمىس ناتيجەسىندە سايىن مۇراتبەكوۆتىڭ «تۇنگى جاۋىن»، «اجە»، ء«بىرىنشى قار»، «قىسقى كەش»، «جاستاردىڭ وتاۋى»، «مۇقتاردىڭ بۇركىتى»، تاعى دا باسقا اڭگىمەلەرى، پوۆەستەرى مەن  نوۆەللالارى اعىلشىن تىلىنە اۋدارىلىپ، وسى جيناققا توپتاستىرىلىپ وتىر. جيناقتى اعىلشىن تىلىنە اۋدارعان سايمون حوللينگسۆورد بولسا، رەداكتورى سايمون گەيگان. بۇل قوس اۆتوردىڭ پەن-كلۋبپەن جاساعان العاشقى جۇمىسى ەمەس. بۇعان دەيىن مۇحتار اۋەزوۆتىڭ پوۆەستەرى مەن اڭگىمەلەرى، ورالحان بوكەيدىڭ «كىسىكيىك»، ساكەن ءجۇنىسوۆتىڭ «زاماناي مەن اماناي»، تاعى دا باسقا قازاق كلاسسيكتەرىنىڭ كوركەم شىعارمالارى اعىلشىن تىلىنە اۋدارىلعانى بەلگىلى. باسىلىمدى كوركەم بەزەندىرگەن ديزاينەر مادينا نيازباەۆا. شىعارماشىلىق وكىلدەرىنىڭ زياتكەرلىك ىنتى­ماق­تاستىعىن كەڭەيتۋ، حالىقارالىق ادەبي قوعامداستىققا قازاقستاندىق مادەنيەتتى دامىتۋ ماقساتىندا 1993 جىلى قۇرىلعان قازاق پەن-كلۋبى كۇنى بۇگىنگە دەيىن كوپتەگەن قازاق قالامگەرلەرىنىڭ شىعارمالارىن اعىلشىن تىلىنە اۋدارىپ، ناسيحاتىمەن اينالىسىپ كەلەدى. قازاق پەن-كلۋبى لوندونداعى بۇكىل­الەمدىك جازۋشىلار قاۋىم­داس­تىعى – حالىقارالىق پەن-كلۋب­تىڭ مۇشەسى. يۋنەسكو-دا  جانە بۇۇ-دا كەڭەس­شىلىك مارتەبەسى بار.

كىتاپتىڭ تۇساۋكەسەر راسىمىنە سايىن مۇراتبەكوۆتىڭ ۇلى ءمادي سايىن ۇلى، قۇرالاي سايىنقىزى، سونىمەن بىرگە فيلوسوفيا، ساياساتتانۋ جانە ءدىنتانۋ ينستيتۋتىنىڭ ديرەكتورى سەرىك سەيدۋمانوۆ، قالامگەرلەر سماعۇل ەلۋباي، قۋاندىق تۇمەنباي، مەرەكە قۇلكەنوۆ، جۇسىپبەك قورعاسبەك، ءۇمىت تاجكەن، اسلان جاقسىلىقوۆ، ەربول جۇماباەۆ، كينودراماتۋرگ ساتىبالدى نارىمبەتوۆ، كينورەجيسسەر سەرگەي ازيموۆ، ادەبيەت زەرتتەۋشىسى سۆەتلانا انانەۆا، تاعى باسقالار قاتىسىپ، جازۋشى شىعارماشىلىعىنا قاتىستى ويلارىمەن ءبولىستى.

حالىقارالىق قازاق پەن-كلۋبىنىڭ پرەزيدەنتى بيگەلدى عابدۋلليننىڭ ايتۋىنشا، الداعى ۋاقىتتا بۇل جيناق ء«بىز – قازاقتار... قازاق ادەبيەتىنىڭ كلاسسيكاسى» ۇزدىك شىعارمالار سەرياسىمەن جالعاسىن تابا بەرەتىن بولادى. 250-300 دانامەن باسىلاتىن قازاق قالامگەرلەرىنىڭ شىعارمالارى Amazon ينتەرنەت-دۇكەنىندە ورنالاستىرىلىپ، وكسفورد، كەمبريدج، لوندون ۋنيۆەرسيتتەرىنىڭ كىتاپحانالارىنان ورىن الۋدا. بۇل ءوز كەزەگىندە قازاق ادەبيەتىنىڭ الەمدىك قاۋىمداستىقتاعى بەدەلىن ارتتىرا تۇسەدى. وسى ورايدا وتاندىق ادەبيەتىمىزدىڭ وزىق ۇلگىلەرىن باتىس وركەنيەتى عانا ەمەس الەم تاني باستادى دەۋگە نەگىز بار. دەگەنمەن دە، ۇلتتىق ادەبيەتىمىزدى شەتەلدەردە ناسيحاتتاۋ ىسىنە ۇلكەن قولداۋ قاجەت. نارىقتىق ەكونوميكا جاعدايىندا كىتاپ رۋحاني قۇندىلىق قانا ەمەس، تاۋار رەتىندەگى دە ساپاسى جوعارى بولۋى كەرەك. وسى تۇرعىدان العاندا شىعارمالارىمەن بىرنەشە ۇرپاق سۋسىنداعان ۇلتتىق ادەبيەتىمىزدىڭ جاۋھارلارى الەمدىك قاۋىمداستىق اياسىندا ناسيحاتتالىپ جاتسا نۇر ۇستىنە نۇر.

 

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار