مەكتەپتىڭ قامقورشىلىق كەڭەسىنىڭ مۇشەلەرى - قالا اكىمىنىڭ ورىنباسارى ەرجان باباقۇماروۆ, تۇڭعىش پرەزيدەنت-ەلباسى قورى جانىنداعى “ۇلتتىق ۇستاز ونلاين اكادەمياسى" سەو كوشباسشىسى گۇلميرا قورعانباەۆا, “وتباسى بانك” تۇرعىن ءۇي قۇرىلىس جيناق بانكi” اق توراعاسىنىڭ ورىنباسارى نۇرلان اقشانوۆ, قر بعم عك "جانۋ پروبلەمالارى ينستيتۋتى" رمك باس ديرەكتورىنىڭ كەڭەسشىسى, پروفەسسور زۋلحاير مانسۇروۆ 2021 جىلعى كەڭەس قىزمەتىنىڭ باسىم باعىتتارىن تالقىلادى.
الماتى قالاسىنىڭ نزم حبب ءباسپاسوز-قىزمەتىنىڭ مالىمەتىنە سۇيەنسەك, مەكتەپ ديرەكتورى گۇلميرا مۋنكەەۆا فيليالدىڭ 2020 جىلعا ارنالعان وقۋ جەتىستىكتەرى, تاربيە جۇمىسى, مەكتەپ تۇلەكتەرىنىڭ جوعارى وقۋ ورىندارىنا ءتۇسۋى, وقۋشىلاردىڭ ءبىلىم جەتىستىكتەرىن باعالاۋ جونىندەگى حالىقارالىق باعدارلامانىڭ ناتيجەلەرى سياقتى نەگىزگى باعىتتار بويىنشا جۇمىس ەسەبىن بەرىپ, الماتى زياتكەرلىك مەكتەبىنىڭ تاياۋداعى ستراتەگيالىق جوسپارلارىمەن تانىستىردى.
جينالىستىڭ باستى تاقىرىبى - جالپى الاڭى 800 ش.م.قۇرايتىن "NIS engineering LAB" اشىق تسيفرلىق تەحنولوگيا زەرتحاناسىنىڭ مەكتەپ اۋماعىنداعى بولاشاق قۇرىلىستى تالقىلاۋ بولدى. NIS ء–تىڭ جاڭا جوباسى بولاشاقتا زياتكەرلىك ءبىلىم وردانىڭ وقۋشىلارىمەن قاتار قالانىڭ بارلىق جالپى ءبىلىم بەرەتىن مەكتەپتەرىنىڭ شاكىرتتەرى ءۇشىن IT-ستارتاپتار مەن عىلىمي-زەرتتەۋ قىزمەتىن دامىتۋعا ارنالعان Hub-الاڭىنا اينالۋى ءتيىس.
سونىمەن قاتار, جيىندا زياتكەرلىك مەكتەپتەردىڭ تاجىريبەسىن الماتىنىڭ جالپى ءبىلىم بەرۋ مەكەمەلەرىنە كەڭىنەن ەنگىزۋ قاجەتتىگىنە ەرەكشە نازار اۋدارىلدى. NIS تاجىريبەسىن تاراتۋ اياسىندا الماتىلىق زياتكەرلىك ءبىلىمورداسى قالانىڭ 80 مەكتەبى جانە وبلىستىڭ 20 مەكتەبىن قامتۋدا, ۇنەمى وتكىزىلىپ وتىراتىن ارنايى ۆەبينارلار, سەمينارلار, شەبەرلىك سىنىپتارعا ءوڭىردىڭ مىڭنان استام پەداگوگتارى قاتىسادى.
مەكتەپ ديرەكتورى اۋىل مەكتەپتەرىنەن دارىندى وقۋشىلاردى نزم-گە وقۋعا ءتۇسۋ بويىنشا كونكۋرستىق ىرىكتەۋگە قاتىسۋعا نەعۇرلىم بەلسەندى تارتۋ تۋرالى ماسەلەنى كوتەردى. قامقورشىلىق كەڭەسىنىڭ مۇشەلەرى رەسپۋبليكاداعى ورتا ءبىلىم بەرۋدىڭ فلاگمانى بولىپ تابىلاتىن ءبىلىم ورداسىنا ءتۇسۋ ەمتيحاندارىنا الىس اۋداندارداعى وقۋشىلاردى جان-جاقتى دايىنداۋ ءۇشىن مۇمكىندىك بەرەتىن الگوريتمدەردى تالقىلادى.
مەكتەپتىڭ قامقورشىلىق كەڭەسىنىڭ كەلەسى وتىرىسى 2021 جىلدىڭ ءساۋىر ايىنا جوسپارلانعان.
