قازاقستان • 26 اقپان، 2021

ونەركاسىپتىك ساياسات جونىندەگى ۆەدومستۆوارالىق كوميسسيا قۇرىلادى

5 رەت كورسەتىلدى

يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستاندا ونەركاسىپتىك ساياسات جونىندەگى ۆەدومستۆوارالىق كوميسسيا قۇرىلاتىنىن جاريا ەتتى، دەپ حابارلايدى Egemen.kz

بەيبىت اتامقۇلوۆ سەناتتا ءوتىپ جاتقان «قر ونەركاسىپتىك ساياساتتى زاڭنامالىق رەتتەۋ: جاي-كۇيى، پروبلەمالارى جانە شەشۋ جولدارى» تاقىرىبىنداعى ۇكىمەت ساعاتىندا: «ونەركاسىپتىك ساياسات ءمانى بويىنشا وندىرىستىك نارىقتىڭ بارلىق قاتىسۋشىلارىنىڭ بىردەي جاعداي جاسالۋى كەرەك. زاڭ جوباسىندا ەكونوميكالىق، اكىمشىلىك، قۇقىقتىق، ينستيتۋتسيونالدىق جانە باسقا جاعدايلاردى قامتيتىن ونەركاسىپتىك كليمات ۇعىمىن ەنگىزەمىز. ونەركاسىپتىك كليماتتىڭ جاي-كۇيىن باقىلاۋدى يندۋستريا جانە ينفراقۇرىلىمدى دامىتۋ مينيسترلىگى جۇزەگە اسىرادى. ونىڭ ناتيجەلەرى بولاشاق كەزەڭدەرگە ارنالعان ونەركاسىپتىك ساياساتتى قالىپتاستىرۋ كەزىندە ەسكەرىلەدى. وسى مونيتورينگ نەگىزىندە باسقارۋ شەشىمدەرى قابىلدانىپ، مەملەكەتتىك ورگاندار جۇمىسىنىڭ تيىمدىلىگى باعالانادى»، دەپ ايتتى.

ونەركاسىپتىك ساياساتتى جانە مەملەكەتتىك ىنتالاندىرۋ شارالارىن ىسكە اسىرۋ ءۇشىن ءبىرىنشى كەزەكتە وندىرىستە ساۋدا قىزمەتى رەتتەلىپ، ينۆەستيتسيا تارتىلىپ، يننوۆاتسيالاردى دامىتۋ ارقىلى ونەركاسىپتىك ساياساتتى قالىپتاستىرۋ مەن جۇزەگە اسىرۋدىڭ ءتيىمدى ۆەدومستۆوارالىق ۇيلەستىرۋىن قامتاماسىز ەتۋدەن تۇراتىن ينستيتۋتسيونالدىق بازانى شوعىرلاندىرۋ قاجەت.

«بۇگىنگى تاڭدا وندىرىسكە قاتىستى فۋنكتسيالار ءارتۇرلى ۆەدومستۆالار اراسىندا بولىنگەن. يندۋستريالىق دامۋ ءۇشىن يندۋستريا جانە ينفراقۇرىلىمدى دامۋ مينيسترلىگىنىڭ، ساۋدا ساياساتى جانە ەكونوميكالىق ينتەگراتسيا – ساۋدا جانە ينتەگراتسيا مينيسترلىگىنىڭ، يننوۆاتسيالىق دامۋ تسيفرلىق دامۋ، يننوۆاتسيا جانە اەروعارىش ونەركاسىبى مينيسترلىگىنىڭ، شەتەلدىك ينۆەستيتسيالاردى تارتۋ سىرتقى ىستەر مينيسترلىگىنىڭ مىندەتىندە. ونەركاسىپتىك ساياساتتى ۇيلەستىرۋدى قامتاماسىز ەتۋ ءۇشىن نەگىزگى زاڭ جوباسىندا پرەمەر-ءمينيستردىڭ ورىنباسارى باسقاراتىن ونەركاسىپتىك ساياسات جونىندەگى ۆەدومستۆوارالىق كوميسسيا قۇرۋ قاراستىرىلعان. ال ونىڭ مۇشەلەرى مەملەكەتتىك ورگاندار باسشىلارىنىڭ ورىنباسارلارى، ونەركاسىپتىك كاسىپورىنداردىڭ وكىلدەرى قوعام قايراتكەرلەرى، دەپۋتاتتار جانە باسقا دا مۇددەلى تۇلعالار بولادى»، دەدى ول.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار