مەديتسينا • 26 اقپان، 2021

دارىگەر بولۋ ءۇشىن – جۇرەكتىلىك پەن مەيىرىم كەرەك

12 رەت كورسەتىلدى

مەملەكەت باسشىسى قاسىم-جومارت توقاەۆ دەنى ساۋ ينتەللەكتۋالدى ۇلتتى قالىپتاستىرۋ جانە جاڭا جاھاندىق سىن-قاتەرلەردى ەسكەرە وتىرىپ، ءبىلىم، عىلىم، دەنساۋلىق ساقتاۋ، مادەنيەت پەن سپورتتى دامىتۋعا باسىمدىق بەرىپ وتىر. كورونوۆيرۋسپەن كۇرەس كەزىندە دارىگەرلەرگە دەگەن قۇرمەت ارتا تۇسكەنى بەلگىلى. سەبەبى ادام ومىرىنە اراشا تۇسەتىن دارىگەرلىك ماماندىقتى تاڭداۋ ۇلكەن جاۋاپكەرشىلىكتى جۇكتەيدى، دەپ حابارلايدى Egemen.kz

شىمكەنت قالاسىندا 123 دەنساۋلىق ساقتاۋ مەكەمەسى بار. وندا 4 مىڭنان اسا دارىگەر مەن 10 مىڭعا جۋىق ورتا بۋىندى مەديتسينا مامانى جۇمىس جاسايدى. دارىگەر بولۋ وعاي ەمەس، ال «ناعىز دارىگەر» اتانۋ قيىن دەپ جاتادى. سونداي التىن قولدى دارىگەرلەردىڭ ءبىرى شالعاي ورنالاسقان ەلدىمەكەندەگى ەمحانادا ناۋقاستاردى ەمدەۋدە.   

اليشەر يساحودجاەۆ شىمكەنت قالاسى سايرام تۇرعىن ءۇي الابىندا ورنالاسقان №12 قالالىق ەمحانادا كونسۋلتاتيۆتى-دياگنوستيكالىق كومەك كورسەتەدى. اق حالاتتى اليشەردىڭ ەسىمى قارامۇرت، اقسۋكەنت، تولەبي اۋداندارىنىڭ تۇرعىندارىنا دا تاڭسىق ەمەس. ولار مۇندا دارىگەر قابىلداۋىنا ارنايى ىزدەپ كەلەدى.

التىن قولدى وتاشى 18 جىلدان بەرى دەنساۋلىق ساقتاۋ سالاسىندا جۇمىس ىستەپ كەلەدى. جاراقات العان نەمەسە حيرۋرگيالىق اۋرۋلارعا شالدىققان ناۋقاستارعا ساپالى وتا جاساپ، ەل العىسىنا بولەنگەن. الماتى، نۇر-سۇلتان قالالارىندا بىلىكتىلىگىن ارتىرىپ كەلگەن. 2014 جىلدان بەرى جوعارى ساناتتى مامان-بالالار حيرۋرگ دارىگەرى.  ەمحانادا بالالار حيرۋرگ دارىگەرى رەتىندە تۋما ديسپلازياسى بار نارەستەلەرگە ۋاقىتىلى ەم تاعايىنداپ، وڭ ناتيجەلەرگە جەتكەن.

1

ۇجىمىنا دا سىيلى مامان قوسىمشا كاسىپوداق توراعاسى، ءارى ازاماتتىق قورعانىس جانە توتەنشە جاعدايلار بويىنشا جاۋاپتى مامان. اليشەر باحتيار ۇلى جاقسى دارىگەر ەشۋاقىتتا جەتكەن دارەجەسىندە توقتالىپ قالماۋى قاجەت دەپ سانايدى.

«دارىگەر بولۋ ءۇشىن الدىمەن جۇرەكتىلىك پەن مەيىرىمدىلىك كەرەك. سونىمەن بىرگە، كاسىبي دەڭگەيىن ءومىر بويى، ەڭ بولماعاندا 5-10 جىلدا ءبىر رەت ەمەس، بىرنەشە رەت جوعارىلاتىپ تۇرۋ قاجەت. پرەزيدەنتىمىز باسەكەگە قابىلەتتى بولۋدى تاپسىردى. وسى ماقساتتا ۇنەمى ىزدەنىستە بولىپ، تۇرعىندارعا كومەك كورسەتىپ، العىستارىن الساق باستى ماقساتىمىزعا جەتكەن بولامىز»، دەيدى دارىگەر-حيرۋرگ.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار