قازاقستان • 26 اقپان، 2021

تاريحي ماڭىزى زور شەشىم

22 رەت كورسەتىلدى

ۇلتتىق قوعامدىق سەنىم كەڭەسىندە ۇزاقتان بەرى داۋ بولىپ، حالىقتىڭ كوڭىلىن كۇپتى قىلىپ كەلە جاتقان جەرگە بايلانىستى ماسەلەنىڭ بىرجاقتى شەشىلگەنى – ەرەكشە توقتالاتىن ماسەلەنىڭ ءبىرى.

پرەزيدەنت سويلەگەن سوزىندە شەتەل­دىكتەرگە جانە شەتەلدىك زاڭدى تۇلعالارعا اۋىل شارۋاشىلىعى جەرلەرىن ساتۋعا، جالعا بەرۋگە زاڭ جۇزىندە ءبىرجولا تىيىم سالۋدى تاپسىردى. سونداي-اق بۇل تاپسىرمانى تەز ارادا ورىنداۋدى ايتتى. بۇل كەڭەس مۇشەلەرى عانا ەمەس، جالپى ءدۇيىم جۇرتتىڭ كۇتكەن شەشىمى ەدى. سول سەبەپتى دە مەملەكەت باسشىسىنىڭ بۇل شەشىمىن تاريحي وقيعا رەتىندە باعالايمىن.

تاعى ءبىر رازى بولعانىم، قاسىم-جومارت كەمەل ۇلى توقتالىپ، تاپسىرما بەرگەن بەس ماسەلەنىڭ بەسەۋى دە قاراپايىم حالىقتىڭ ءومىرى مەن تۇرمىسىنا قاتىستى. مىسالى، تۇرعىن ءۇي جانە ەكونوميكا ساياساتىن جەتىلدىرۋ. ەندىگى ۋاقىتتا اۋىلدى جەرلەرگە تۇرعىن ءۇي سالعان كومپانيالاردىڭ جالپى شىعىنىنىڭ جارتىسىن ۇكىمەت تولەپ بەرەتىن بولدى. اۋىل حالقىنىڭ قالاعا اعىلۋىن توقتاتۋعا، اۋىل شارۋاشىلىعىن دامىتۋعا وتە پايدالى شەشىم.

كەڭەستە مۇمكىندىگى شەكتەۋلى ادام­داردىڭ ماسەلەلەرى دە نازاردان تىس قالعان جوق. پرەزيدەنت مۇگەدەكتىكتى انىق­تاۋ راسىمدەرىن تۇبەگەيلى جەڭىل­دەتۋدى تاپسىردى. شىنى كەرەك، Nur Otan پارتيا­سىنا مۇگەدەكتىك مارتەبەسىن الۋدىڭ قيىندىعى تۋرالى ازاماتتار كوپ ارىزدانادى. مىنە، ەندى بۇل ماسەلە دە ءوز شەشىمىن تاپتى. ءوز باسىم پرەزيدەنتتىڭ بۇگىنگى شەشىمدەرى مەن تاپسىرمالارىنا قاتتى ريزا بولدىم.

 

اۋىت مۇقيبەك،

ۇلتتىق قوعامدىق سەنىم كەڭەسىنىڭ مۇشەسى، قوعام قايراتكەرى

 

سوڭعى جاڭالىقتار

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار