ءبىلىم • 26 اقپان، 2021

ۇبت تاپسىرۋ ەرەكشەلىكتەرى «اشىق ەسىك» كۇنىندە تالقىلاندى

14 رەت كورسەتىلدى

الماتى وبلىسى تالعار اۋدانىنىڭ ءبىلىم ءبولىمى، تالعار اۋدانى مەكتەپتەرىنىڭ تاريح ءپانى مۇعالىمدەرى جانە 11-سىنىپ وقۋشىلارى اباي اتىنداعى قازۇپۋ تاريح جانە قۇقىق ينستيتۋتى الەم تاريحى كافەدراسىنىڭ ۇيىمداستىرۋمەن وتكەن «اشىق ەسىك» كۇنىنە قاتىستى.

ءىس-شارانى تاريح جانە قۇقىق ينستيتۋتىنىڭ ديرەكتورى ءادىل ءجۇنىسوۆ اشىپ، بارلىق قاتىسۋشىلاردى وسى ءىس-شارامەن قۇتتىقتاپ، ساتتىلىك تىلەدى. اباي اتىنداعى قازۇپۋ-دىڭ كاسىبي باعدار بەرۋ جانە ءبىلىم الۋشىلاردى قابىلداۋ ورتالىعىنىڭ ديرەكتورى نۇرمۇحان اۋەسبەك ۇلى وسى جىلعى ۇبت-نى وتكىزۋ ەرەكشەلىكتەرى تۋرالى اقپارات بەردى.

تاريح جانە قۇقىق ينستيتۋتى ديرەكتورىنىڭ عىلىمي ىستەر جانە حالىقارالىق ىنتىماقتاستىق جونىندەگى ورىنباسارى مۇحتار مۇراتكازين اباي اتىنداعى قازۇپۋ-دا جىل سايىنعا ءداستۇرلى تۇردە ۇيىمداستىرىلاتىن «اباي سىيى-2021» رەسپۋبليكالىق پاندىك وليمپياداسىنىڭ ەرەجەسى بويىنشا اقپاراتتى، سونداي-اق تاريح جانە قۇقىق  ينستيتۋتى ديرەكتورىنىڭ تاربيە ىستەرى جونىندەگى ورىنباسارى نۇربولات ماناپباەۆ ينستيتۋتتاعى ستۋدەنتتەرگە ارنالعان ۇيىرمەلەر، كلۋبتار مەن وقۋعا بەرىلەتىن جەڭىلدىكتەرى بويىنشا جان-جاقتى اقپارات بەردى. الەم تاريحى كافەدراسىنىڭ وقىتۋشىلارى رۋسلان سەيتكازيەۆ جانە ەڭلىك نۇرمۇقان  ۇبت-دا قازاقستان تاريحى مەن الەم تاريحى پاندەرى بويىنشا سۇراققا دايىندالۋ پرينتسيپتەرى، سونىمەن قاتار كافەدراداعى ءبىلىمبەرۋ باعدارلامالارىنا وقۋعا تۇسۋگە ارنالعان پايدالى كەڭەستەر مەن اقپاراتتارمەن ءبولىستى.

ءىس-شارا بارىسىندا الەم تاريحى كافەدراسىنىڭ قازاق جانە ورىس بولىمدەرىندە وقيتىن 1 جانە 2 كۋرس ستۋدەنتتەرى دە ءسوز سويلەپ، كافەدرانىڭ ءبىلىم بەرۋ باعدارلامالارى تۋرالى ۆيدەوروليكءتى كوردى.

تالعار اۋدانى مەكتەپتەرىنىڭ تاريح ءپانى مۇعالىمدەرى جانە 11-سىنىپ وقۋشىلارى كافەدرادا دايىندالاتىن ماماندىقتار بويىنشا سۇراقتارعا جاۋاپ الدى.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار