ايماقتار • 25 اقپان، 2021

سينتەتيكالىق ەسىرتكى تاراتقان التى دۇكەننىڭ جولى كەسىلدى

17 رەت كورسەتىلدى

جۋىردا سقو-دا سينتەتيكالىق ەسىرتكىنى اۋىلدىق جەردە جاساعان توپ قۇرىقتالعانى تۋرالى ايتقان بولاتىنبىز. ەندى سونداي ەسىرتكىنى تاراتقان 6 ينتەرنەت دۇكەننىڭ قىزمەتىنىڭ جولى كەسىلدى.

ەسىرتكى قىلمىسىنا قارسى ءىس-قيمىل باسقارماسىنىڭ باستىعى، پوليتسيا پولكوۆنيگى جاندوس باسىباەۆ پەن ءبولىنىستىڭ جەدەل ۋاكىلى سۇلتانعازى ءبىلالوۆ ۇيلەردىڭ قابىرعالارىندا ەسىرتكى گراففيتيلەرى پايدا بولعان كەزدە قايدا جۇگىنۋگە بولادى، ەسىرتكىنى جاسىرۋشىلاردى قانداي بەلگىلەرى بويىنشا تانۋعا بولادى دەگەن سياقتى جەلى قولدانۋشىلاردىڭ سۇراقتارىنا جاۋاپ بەردى. جاندوس باسىباەۆ 2020 جىلى 195 ەسىرتكى قىلمىسى، ونىڭ ىشىندە ەسىرتكى مەن پسيحوبەلسەندى زاتتاردى وتكىزۋدىڭ 49 فاكتىسى انىقتالعانى جايلى اقپارات بەردى. «زاڭسىز اينالىمنان 462 كيلوگراممنان استام ءتۇرلى ەسىرتكى زاتتارى الىندى. سينتەتيكالىق ەسىرتكىلەردى تاراتۋمەن اينالىسقان 6 ينتەرنەت دۇكەننىڭ جولى كەسىلدى»، دەدى ول.

سولتۇستىك قازاقستان وبلىسىندا ينتەرنەتتە سينتەتيكالىق ەسىرتكىلەرگە جارناما جاساۋمەن اينالىسقان فيگۋرانت قىلمىستىق جاۋاپكەرشىلىككە تارتىلىپ، 4 جىلعا باس بوستاندىعىنان ايرىلدى. جىل باسىنان 36 ەسىرتكى قىلمىسى انىقتالدى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار