وقيعا • 25 اقپان، 2021

تۋرين وليمپياداسىنا – 15 جىل

8 رەت كورسەتىلدى

وسىدان ءدال 15 جىل بۇرىن، انىقتاپ ايتساق 2006 جىلدىڭ 26 اقپانىندا يتاليانىڭ ەڭ كورىكتى قالالارىنىڭ ءبىرى – تۋريندە حح قىسقى وليمپيادا ويىندارىنىڭ الاۋى سونگەن ەدى، دەپ حابارلايدى ەgemen.kz

اپەننين تۇبەگىندە وتكەن عالامدىق دودادا 80 مەملەكەتتەن كەلگەن 2663 ۇمىتكەر كۇش سىناسىپ، سپورتتىڭ 15 ءتۇرى بويىنشا 84 جۇلدە جيىنتىعىن ساراپقا سالدى. جارىستىڭ جالپى كوماندالىق ەسەبىندە گەرمانيا قۇراماسى الدىنا جان سالمادى. نەمىستەر 29 (11 التىن+12 كۇمىس+6 قولا) جۇلدەنى قورجىنعا سالدى. ەكىنشى جانە ءۇشىنشى ورىنداردى اقش (9+9+7) پەن اۋستريا (9+7+7) يەلەندى. سونداي-اق، رەسەي (8+6+8) مەن كانادا (7+10+7) ۇزدىك بەستىكتىڭ ساناتىنان كورىندى. ايتۋلى باسەكەدە بارلىعى 18 ەلدىڭ ءانۇرانى شىرقالىپ، 26 مەملەكەتتىڭ تۋى كوكتە جەلبىرەدى.

جەكەلەگەن سپورتشىلار اراسىنان وڭتۇستىك كورەيانىڭ شورت-ترەك شەبەرلەرى – ان حەن سۋ مەن چين سۋن يۋ جانە نەمىس شاڭعىشىسى ميحاەل گرايستى بولە-جارا اتاپ وتۋگە بولادى. ولاردىڭ ارقايسىسى ءۇش التىننان ولجالادى.

تۋرين وليمپياداسىنا قازاقستاننىڭ 67 ورەنى اتتانىپ، سپورتتىڭ جەتى ءتۇرى بويىنشا ونەر كورسەتتى. وكىنىشكە قاراي، ولاردىڭ ەشقايسىسى جەڭىس تۇعىرىنا كوتەرىلە العان جوق. جەرلەستەرىمىزدىڭ اراسىنان ەڭ ۇزدىك كورسەتكىشكە نيكولاي چەبوتكو مەن ەۆگەني كوشەۆوي سىندى شاڭعىشىلار قول جەتكىزدى. ەرلەردىڭ كوماندالىق سپرينتىندە ايتۋلى جۇپ التىنشى ورىنعا تابان تىرەدى.   

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار