ۇكىمەت • 25 اقپان، 2021

قازاقستان ەلشىسى موڭعوليانىڭ پرەمەر-مينيسترىمەن كەزدەسۋ وتكىزدى

15 رەت كورسەتىلدى

قازاقستان ەلشىسى جالعاس ادىلباەۆ موڭعوليا پرەمەر-ءمينيسترى لۋۆساننامسراي ويۋن-ەردەنەمەن كەزدەستى، دەپ حابارلايدى ەgemen.kz

ەلشى لۋۆساننامسراي ويۋن-ەردەنەنى قىزمەتىنە تاعايىندالۋىمەن جانە ءداستۇرلى شاعان مەرەكەسىمەن (اي كۇنتىزبەسى بويىنشا جاڭا جىل) قۇتتىقتادى. كەزدەسۋ باسىندا وتاندىق ديپلومات 2021 جىلدىڭ 27 اقپانىندا «ۇلان-باتىر – الماتى» جانە 5 ناۋرىزدا «ۇلان-باتىر – نۇر-سۇلتان» باعىتتارى بويىنشا ەۆاكۋاتسيالىق ارنايى رەيستەردى ۇيىمداستىرعانى ءۇشىن ريزاشىلىعىن ءبىلدىردى.

ءوز كەزەگىندە ل.ويۋن-ەردەنە قازاقستان مەن موڭعوليا اراسىنداعى ىنتىماقتاستىق ديپلوماتيالىق قاتىناستار ورناعاننان بەرى تۇراقتى دامۋدا ەكەنىن جانە وسى ىنتىماقتاستىق دەڭگەيىن ارتتىرۋ ءۇشىن بارلىق سالالاردا بەلسەندى بىرلەسكەن ءىس-قيمىل جاساۋ قاجەتتىلىگىن اتاپ ءوتتى.

وسى تۇرعىدا، موڭعول تاراپى موڭعوليانىڭ بۇرىنعى پرەمەر-ءمينيسترى ۋحنااگين حۋرەلسۋحتىڭ 2019 جىلدىڭ قازان ايىندا نۇر-سۇلتانعا جاساعان رەسمي ساپارى كەزىندە قول جەتكىزىلگەن ۋاعدالاستىقتاردى جۇزەگە اسىرۋ بويىنشا جۇمىستى جالعاستىرۋعا دايىن ەكەنىن راستادى. وسى ورايدا، ل.ويۋن-ەردەنە جوعارىدا اتالعان ساپار بارىسىندا قول جەتكىزىلگەن ۋاعدالاستىقتاردى ءتيىمدى جۇزەگە اسىرۋ ماقساتىندا ارنايى جۇمىس توبىن قۇرۋ باستاماسىن كوتەردى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار